කටුනායක ගුවන් තොටුපොළේ ආචාරශීලි මෙන්ම සුහද බව කෙලෙසන සහ විවිධ අක්‍රමිකතාවල යෙදෙන පුද්ගලයන්ට මෙතෙක් නියම කර තිබුණු රුපියල් 25000 දඩ මුදල ලක්ෂය දක්වා වැඩි කිරීමට තීරණය කර තිබෙනවා.
වරාය නාවික සහ ගුවන් සේවා අමාත්‍ය නිමල් සිරිපාල ද සිල්වා මහතා පවසන්නේ මෙවැනි අක්‍රමිකතාවල නියැලෙන්නන් හසුකර ගැනීමට සිවිල් ආරක්ෂක කණ්ඩායමක් යෙදවීමට සහ සිසිටිවී කැමරා පද්ධතියක් පුළුල් කර ඇති බවයි.
ඊට අමතරව පැමිණිලි භාර ගැනීම සඳහා විශේෂිත කවුළුවක් ද ස්ථාපිත කිරීමට පියවර ගෙන තිබෙනවා.
බොහෝ ගුවන්තොටුපොළවල ඇති ආචාරශීලී බව සහ සුහද බව කටුනායක ගුවන්තොටුපොළේ නොමැති බව විදේශිකයන්ගෙන් පැමිණිලි රැසක් ලැබී ඇති බවද අමාත්‍යවරයා පවසනවා.
වැඩිදුරටත් අදහස් දක්වන අමාත්‍යවරයා විශේෂයෙන්ම ගමන්මලු ඔසවන්නන්, ටැක්සි රියදුරන් හා තැරැව්කරුවන් විවිධ අක්‍රමිකතාවල නියැලෙන බවටද පැමිණිලි ලැබෙන බවයි.
