හලාවත මුන්නේශ්වරමේ පිහිටි කාලි මාතා කෝවිලේ තිබු කාලි මාතා පිළිමයක් කිසිවකු සොරා ගෙන ගොස් ඇතැයි හලාවත පොලිසිය කියයි.
එම කොවිලේ භාරකරු බව කියන කාන්තාවක විසින් හලාවත පොලිසියට මේ සම්බන්ධයෙන් පැමිණිල්ලක් කර ඇත.
කෝවිලේ දේවප්‍රතිමා තැන්පත් කර ඇති කාමරයේ තිබු මෙම දේව මාතා ප්‍රතිමාව අතුරුදහන්ව තිබූ බවත් එය කිසිවකු විසින් සොරා ගෙන ගොස් ඇති බවට තමන් සැකකරන බවත් ඇය පොලිසියට දන්වා තිබුණි.
ඉන්දියාවේ දි පස්ලෝවලින් නිපදවා ඇති මෙම ප්‍රතිමාව බැතිමතුන්ගේ විශේෂ ගෞරවාදරයට පාත්‍රව පැවැති බව අනාවරණය වී ඇත.
මේ සම්බන්ධයෙන් කෝවිලේ බාරකරු බව කියන කාන්තාව හමුවී විමසු අවස්ථාවේ දි ඇය මාධ්‍යයට කිසිවක් පැවැසීමට අකමැති බව කියමින් කිසිදු ප්‍රකාශයක් කිරීම ප්‍රතික්ෂේප කළාය.
හලාවත පොලිසියේ අපරාධ විමර්ශන ඒකකයේ නිලධාරින් මෙම කෝවිලට පැමිණ විමර්ශන කටයුතු ආරම්භ කර ඇත.
