අපරාධ පරීක්ෂණ දෙපාර්තමේන්තුට අනියුක්තව සේවය කළ පාස්කු ප්‍රහාරය සම්බන්ධයෙන් විමර්ශනය කර සැකකරුවන් අනාවරණය කර ගත් අපරාධ පරීක්ෂණ දෙපාර්තමේන්තුවේ නිලධාරීන් රැසක් එම දෙපාර්තමේන්තුවෙන් වෙනත් ස්ථානවලට මාරු කර යවා ඇත.
නොවැම්බර් 11 වන දින එම දෙපාර්තමේන්තුවෙන් ඉවත් කළ නිලධාරීන් අතර පාස්කු ප්‍රහාරය පිළිබඳව විමර්ශණ සිදු කළ, එයට අදාළ සැකකරුවන් සියළු දෙනාම අත්අඩංගුවට ගැනීමට කටයුතු කළ නිලධාරීන් 19 කු මෙසේ ස්ථාන මාරු වීම් දී වෙනත් පලාත්වලට යවා ඇත.
වැඩබලන පොලිස්පතිවරයාගේ නියමයෙන් අදාල නිලධාරීන්ව ඉවත් කර ඇති අතර එම නිවේදනයේ සඳහන් කර ඇත්තේ අදාල නිලධාරීන් අපරාධ පරීක්ෂණ දෙපාර්තමේන්තුවේ රාජකාරි සඳහා තවදුරටත් අවශ්‍ය නොවන බැවින් වහාම ක්‍රියාත්මක වන පරිදි අපරාධ පරීක්ෂණ දෙපාර්තමේන්තුවෙන් පිටතට ස්ථාන මාරු කිරීමට නියෝග කරන බවය.
ප්‍රධාන පොලිස් පරීක්ෂක කීර්තිසිංහ, ප්‍රධාන පොලිස් පරීක්ෂක කරසිංහආරච්චි, ප්‍රධාන පොලිස් පරීක්ෂක ගුණසේකර
ප්‍රධාන පොලිස් පරීක්ෂක ප්‍රියදර්ශන, කාන්තා ප්‍රධාන පොලිස් පරීක්ෂිකා ප්‍රියන්තිකා, කාන්තා ප්‍රධාන පොලිස් පරීක්ෂිකා මැණිකේ, කාන්තා ප්‍රධාන පොලිස් පරීක්ෂිකා එන් හේවාවිතාරණ, කාන්තා පොලිස් පරීක්ෂිකා හේරත්, පොලිස් පරීක්ෂක රංජිත්, පොලිස් පරීක්ෂක යාපා, කාන්තා පොලිස් පරීක්ෂිකා වික්‍රමසිංහ, උප පොලිස් පරීක්ෂක වීරසිංහ,
පොලිස් සැරයන් ජයසිංහ, පොලිස් සැරයන් ප්‍රේමකුමාර, පොලිස් සැරයන් රාජපක්ෂ, පොලිස් සැරයන් විජේවර්ධන, කාන්තා පොලිස් සැරයන් සුනේත්‍රා, කාන්තා පොලිස් සැරයන් චන්දිමා සහ පොලිස් කොස්තාපල් ආරියසිංහ අදාල නිලධාරීන් වේ.
