මේ දිනවල පැවැත්වෙන අපොස සාමාන්ය පෙළ විභාගයේ ගණිතය ප්රශ්ණ පත්රය ඊයේ (06) පෙරවරුවේ මුහුණ දුන් මහනුවර කටුගස්තොට ශාන්ත අන්තෝනි විදුහලේ සිසුවෙකුට එම විදුහලේ තවත් සිසු පිරිසක් විකට් පොලුවලින් පහරදී තිබෙනවා.
පහර දීමෙන් තුවාල ලැබූ එම සිසුවා මහනුවර ජාතික රෝහලට ඇතුළත් කර ඇති බවයි වාර්තා වන්නේ.
මේ හේතුවෙන් එම සිසුවාට ඊයේ (06) ගණිතය දෙවන ප්රශ්ණ පත්රයට පෙනී සිටීමේ අවස්ථාව මෙන්ම සෙසු විෂයන්වලට ද පෙනී සිටීමේ අවස්ථාව මඟ හැරී යනු බව සඳහන් වනවා.
මෙවර අපොස සාමාන්ය පෙළ විභාගයට පෙනී සිටි කටුගස්තොට ශාන්ත අන්තෝනි විද්යාලයේ සිසුවෙක් මෙලෙස පහර කෑමට ලක්වී තිබෙනවා.
ඊයේ (06) පෙරවරුවේ පැවැති ගණිතය ප්රශ්ණ පත්රයට පිළිතුරු සපයා අවසන් කර අදාළ සිසුවා ආහාර ගැනීම සඳහා ආපනශාලාව වෙත ගොස් ඇති බවයි වාර්තා වන්නේ.
පාසලේ කැපී පෙනෙන දක්ෂතා පෙන්වන බව කියන මෙම සිසුවාට සිසුන් පිරිසක් පැමිණ “තොට ඊළඟ ප්රශ්න පත්රයට ලියන්නට දෙන්නේ නැතැයි” බව පවසමින් විකට් පොලුවලින් පහර දී ඇති බව මුලික පොලිස් විමර්ශනවලදී අනාවරණය වී තිබෙනවා.
සිද්ධිය සම්බන්ධයෙන් මහනුවර පොලීසිය වැඩිදුර විමර්ශන සිදු කරනු ලබනවා.