ඊයේ (29) පස්වරුවේ අහංගම මිදිගම ප්රදේශයේ හෝටලයක් ඉදිරිපිට සිදුවූ වෙඩි තැබීමෙන් එහි හිමිකරු මියගොස් තිබෙනවා.
වෙඩි වැදීමෙන් තුවාල ලබා මාතර මහ රෝහලේ දැඩි සත්කාර ඒකකයට ඇතුළත් කළ හෝටල් හිමිකරු අද (30) අළුයම 3ට පමණ මියගිය බවයි රෝහල් ආරංචි මාර්ග පෙන්වා දෙන්නේ.
මෙලෙස මියගියේ මිදිගම ප්රදේශයේ හෝටලයක් පවත්වාගෙන ගිය 31 හැවිරිදි සිඳු සඳරුවන් දොඩම්ගොඩගේ නැමැති පුද්ගලයෙක්.
ඊයේ (29) පස්වරු 06.15ට පමණ සිදුවූ අතර වැගන් ආර් වර්ගයේ මෝටර් රථයකින් පැමිණි නාඳුනන තුවක්කුකරුවන් පිරිසක් විසින් T 56 වර්ගයේ ගිනි අවියකින් මෙම වෙඩි තැබීම සිදුකර තිබෙනවා.
2021 වසරේ දී ද මෙම හෝටලයේ හිමිකරු ඉලක්ක කර වෙඩි තැබීමක් සිදුවූ අතර ඉන් ඔහුගේ සහෝදරයා මියගියා.
මේ අතර පොලීසිය කියා සිටින්නේ මෙම වෙඩි තැබීම අත්අඩංගුවේ සිටින පාතාල කල්ලි සාමාජික වන නදුන් චින්තක වික්රමරත්න නොහොත් හරක්කටාගේ ගෝලයන් පිරිසක් සිදු කර ඇති බවට සැක පළකරන බවයි.