තම සේවා කාලය අවසන් වීමෙන් අනතුරුව ශ්‍රී ලංකාවට පැමිණීමට නොහැකිව ඩුබායි හි අල් හබ්දියා උදයානයේ ශ්‍රී ලාංකිකයන් 275 කට අධික පිරිසක් රැදී සිටින බව ඩුබායි මාධ්‍ය වාර්තා කර ඇත.
එම මාධ්‍ය වාර්තා හරහා ඔවුන් පවසා ඇත්තේ සැප්තැම්බර් මාසයේ සිට මෙම පිරිස මෙම ස්ථානයේ සරනාගතයන් ලෙස රැදී සිටින බවත් මෙම පිරිස අතර කාන්තාවන් 10 ක් ද මෙම උද්‍යානයේ රැදී සිටින බවත්ය.
එම පිරිසට රැකියා අහිමි වී ඇති බැවින් ආහාර ද්‍රව්‍ය සහ මුඛ ආවරණ ලබා ගැනීමටවත් මුදල් නොමැති බවත් එම උද්‍යානය අවට පදිංචිව සිටින ඩුබායි වැසියන් එම පහසුකම් මෙම ශ්‍රී ලංකිකකයන් වෙත ලබා දෙන බවත් මාධ්‍ය වාර්තා කර ඇත.
කෙසේ වෙතත් එරට මාධ්‍යට අදහස් දක්වමින් එහි රැදී සිටින ශ්‍රී ලංකිකයන් පිරිසක් පවසා ඇත්තේ ශ්‍රී ලංකා රජයෙන් ගුවන් ගමන් වාර අවම කිරීමට පියවර ගැනීම නිසා සීමිත පිරිසකට පමණක් ශ්‍රී ලංකාවට පිටත්ව යෑමට අවස්ථාව හිමිවන බවත් ඔක්තෝම්බර් මාසයේ අවස්ථා ගණනකදි තමන් වෙන්කර තිබුණු ගුවන් ගමන් හදිසියේ නවතා දැමීම නිසා ශ්‍රී ලාංකිකයින් මෙසේ සරණාගතයින් බවට පත්වීමට සිදුව ඇති බවත්ය.
