හොරුන්ගෙන් යැපෙන නායකයෙකුට හොරු ඇල්ලීම සිදුකල නොහැකි බව විපක්ෂනායක සජිත් ප්‍රේමදාස මහතා පවසනවා.
ඒ, උදාවක ඇරඹුම වැඩසටහන යටතේ තිස්සමහාරාම මෝධි ගම්මානයේ පැවැති ජනහමුවක දීයි.
රට බංකොලොත් වූයේ ලක්ෂ 220ක් වූ ජනතාව නිසා නොව රටේ සම්පත් දේපල සොරාගන්නා ලද රාජපක්ෂ පාලනය නිසා වුවත්, ජනාධිපතිවරයාගේ පදනම වී ඇත්තේ රට විනාශ කළ රාජපක්ෂ පරපුර සහ ඔවුන්ගේ හිතවාදී මන්ත්‍රීවරුන් ආරක්ෂා කිරීම බවයි සජිත් ප්‍රේමදාස මහතා සඳහන් කළේ.
රට පත්ව ඇති බංකොලොත් භාවයෙන් ගොඩ ඒමට ඇති පහසුම ක්‍රමය කොමිස්වලින් අල්ලස්වලින් හා හොරා කෑ මුදල් නැවත ලබා ගැනීම බැවින් ඒ හැකියාව සමගි ජනබලවේගය සතු බවයි ඔහු කියා සිටියේ.
