31 C
Colombo
Saturday, June 25, 2022

‘ඉටුකම’ කොවිඩ් අරමුදලේ බිලියන 1.6 ක් තවමත් ප්‍රයෝජනයට අරගෙන නැහැ

- Advertisement -

ජනාධිපති ලේකම් කාර්යාලය විසින් පසුගිය වසරේ මාර්තු මාසයේදී අති උත්කර්ෂවත් අන්දමින් ආරම්භ කරන ලද ‘ඉටුකාම’ කෝවිඩ් -19 අරමුදලේ තවමත් රුපියල් බිලියනයකට වැඩි මුදලක් ප්‍රයෝජනයට නොගෙන තිබෙන බවට තොරතුරු අනාවරණය වනවා.

සන්ඩේ ටයිම්ස් පුවත්පත තොරතුරු දැනගැනීමේ පනත ඔස්සේ සිදුකරන ලද ඉල්ලීමකට ජනාධිපති ලේකම් කාර්යාලයෙන් ලැබුණු ප්‍රතිචාරයකින් දන්වා ඇත්තේ රුපියල් බිලියන 1.6 ක මුදලක් එම ගිණුමේ තවමත් භාවිතයට නොගෙන පවතින බවයි.

පසුගිය වසරේ මාර්තු 23 වෙනිදා ‘ඉටුකම’ කොවිඩ් 19 සෞඛ්‍ය හා සමාජ ආරක්ෂණ අරමුදල ආරම්භ කරමින් ජනාධිපති ගෝඨාභය රාජපක්ෂ මහතා එම ගිණුමට පළමු පරිත්‍යාගය සිදු කළා.

ජනාධිපති ලේකම් කාර්යාලය සදහන් කරන්නේ 2021 සැප්තැම්බර් 21 වනදා වන විට එම ගිණුමට රුපියල් බිලියන 1.8 ක මුදලක් බැරවී ඇති බවයි.

ඒ අනුව 2021 සැප්තැම්බර් 21 වනදා වන විට එම ගිණුමෙහි ඇති රුපියල් මිලියන 189 කට ආසන්න මුදලක් පමණක් වැය කර තිබෙනවා.

‘ඉටුකම’ කොවිඩ් 19 සෞඛ්‍ය හා සමාජ ආරක්ෂණ අරමුදලෙන් වියදම් කරන ලද රුපියල් මිලියන එකසිය අසූ නවයෙන් රුපියල් මිලියන 42.6 ක් PCR පරීක්‍ෂණය සඳහාද රුපියල් මිලියන 67.5 ක් “උපදේශන වැඩසටහනක්” සඳහාද තවත් රුපියල් මිලියන 38 ක් නිරෝධායන මධ්‍යස්ථාන වෙත පුද්ගලයින් ප්‍රවාහනය කිරීම සදහාද වැයකර ඇති බව ජනාධිපති ලේකම් කාර්යාලය සඳහන් කරනවා.

දැනුවත් කිරීමේ වැඩසටහන් සඳහා වියදම් කරන ලද රුපියල් මිලියන 67.5 ක මුදල කුමන කරුණු සඳහා වියදම් කළේ දැයි ජනාධිපති ලේකම් කාර්යාලයෙන් සිදුකරන ලද විමසීමේදී ඔවුන් ප්‍රතිචාර ලෙස දක්වා ඇත්තේ එම වැඩසටහන් මුළුමනින්ම සෞඛ්‍ය අමාත්‍යාංශය මගින් ක්‍රියාත්මක කරන ලද ඒවා නිසා ඒ පිළිබදව තොරතුරු නොමැති බවයි.

මෙම අරමුදලින් ජාතික එන්නත්කරණ වැඩසටහනට රුපියල් මිලියන 41.5 ක් වැනි සුළු මුදලක් පමණක් වියදම් කර තිබීමද විශේෂත්වයක්.

කෙසේ වෙතත්, මේ වසරේ මැයි 10 දා ජනාධිපති මාධ්‍ය අංශය නිවේදනයක් නිකුත් කරමින් කියා සිටියේ ජාතික එන්නත් කිරීමේ වැඩසටහන සඳහා ‘ඉටුකම’ කොවිඩ් 19 සෞඛ්‍ය හා සමාජ ආරක්ෂණ අරමුදලේ ශේෂය භාවිතා කිරීමට රජය තීරණය කළ බවයි.

එම නිවේදනයෙහිම සදහන් වූයේ ‘ඉටුකම’ අරමුදලෙහි ඉතිරිව ඇති ශේෂය එන්නත්කරණය සඳහා රජය වැය කිරීමට අපේක්ෂිත මුදලට වඩා සාපේක්ෂව ඉතා කුඩා ප්‍රමාණයක් බවයි.

එම නිවේදනයෙහිම දැක්වුණේ ‘ඉටුකම’ අරමුදලෙන් රුපියල් මිලියන 194 ක මුදලක් ගිලන් රථ 10 ක් ගෙන්වීම සඳහා වැයකර ඇති බවයි.

කෙසේ වෙතත්, තොරතුරු දැන ගැනීමේ පත්‍රිකාවට ප්‍රතිචාර වශයෙන් ජනාධිපති ලේකම් කාර්යාලය දන්වා ඇත්තේ ගිලන් රථ මිලදී ගැනීම සඳහා ‘ඉටුකම’ අරමුදලෙහි මුදල් වෙන්කර නොමැති බවයි.

RECENT ARTICLES - SINHALA

මාධ්‍ය ක්‍රියාකාරිකයන්ට පොලිසිය කරන බලපෑම් සම්බන්ධව මාධ්‍ය නීති සංසදයෙන් පොලිස්පතිට ලිපියක්

ශ්‍රී ලංකා පොලිසිය විසින් සමාජ සහ නව මාධ්‍ය ඔස්සේ භාෂණයේ සහ ප්‍රකාශනයේ නිදහස ක්‍රියාවට නංවමින් සිය කටයුතු පවත්වාගෙන යන මාධ්‍ය ක්‍රියාකාරිකයන් හේතු...

වඳුරු උණ: ලෝකය බියපත් කළ අලුත් වසංගතය..!

රටවල් 58කින් තහවුරු වූ වඳුරු උණ රෝගීන් 3,417 ක් වාර්තා වීමත් සමඟ, ලෝක සෞඛ්‍ය ජාලය (WHN) වඳුරු ෞණ තත්වය වසංගතයක් ලෙස ප්‍රකාශයට...

ඉන්දියාවෙන් මෙරටට බිලියන 3ක තවත් මානුෂීය ආධාර තොගයක්..!

ඉන්දීය ජනතාවගෙන් ශ්‍රී ලාංකික ජනතාව වෙත ලැබුණු ආධාර තොගයක් ඉන්දීය මහ කොමසාරිස්වරයා, අමාත්‍ය කෙහෙළිය රඹුක්වැල්ල මහතා, පාර්ලිමේන්තු මන්ත්‍රීවරුන් සහ නිලධාරින් විසින් ඊයේ...

RECENT ARTICLES - ENGLISH

Requests for assistance to develop dairy industry

0
A bilateral meeting took place between Minister of Foreign Affairs Prof. G.L. Peiris and Minister for Foreign Affairs and Local Government of...

35 people detained for illegal migration attempt to Australia

0
Sri Lanka Navy apprehended a local multiday fishing trawler with 35 individuals, suspected to be on an illegal migration attempt to Australia...

Public sector to work in Private sector?

0
Sri Lanka has appointed a seven member committee to explore the possibility of granting 5 years leave to Government employees to work...