අනාරක්ෂිත ලෙස අපරික්ෂාකාරීව දෙහිවල ප්රදේශයේදී යතුරුපැදි ධාවනයකළ තරුණයින් 10 දෙනෙකු අත්අඩංගුවට ගෙන තිබෙනවා.
සැකකරුවන් අත්අඩංගුවට ගන්නා අවස්ථාවේදී ඔවුන් සතුව තිබී අධි ධාරිතාවයෙන් සමන්විත යතුරුපැදි 10ක් ද පොලිස් භාරයට ගෙන තිබෙනවා.
ඊයේ (02) අලුයම එම පිරිස අත්අඩංගුවට ගෙන තිබුණේ, දෙහිවල පොලීසිය රථවාහන අංශය නිලධාරීන් විසින්.
මෙම සැකකරුවන් දෙහිවල දුම්රියපොළ අසල සිට වැල්ලවත්ත දෙසට අපරික්ෂාකාරී ලෙස යතුරුපැදි ධාවනය කර ඇති බව පොලීසිය පවසනවා.
පොලිස් භාරයට ගත් යතුරුපැදිවල ඇතැම් උපාංග වෙනස් කර නවීකරණය කර ඇති බවද පොලීසිය පැවසුවා.
අත්අඩංගුවට ගත් සැකකරුවන් වයස අවුරුදු 17 – 22 ත් අතර වයසේ පසුවන මොරටුව, රාජගිරිය, පිළියන්දල, අංගොඩ, දෙහිවල, රත්මලාන සහ කොළඹ 05 යන ප්රදේශවල පදිංචිකරුවන් බව පොලීසිය පැවසුවා.