මෙවර අය වැයෙන් පළාත් පාලන ආයතන නියෝජනය කරන මහජන නියෝජිතයින්ට රුපියල් ලක්ෂ 30 බැගින් ලබා දීමටත් එක් එක් ග්රාම නිළධාරි වසම් සදහා රුපියල් ලක්ෂ 40 ක් බැගින් ලබා දීමටත් රජය තීරණය කර ඇති බව කෘෂිකර්ම අමාත්ය මහින්දානන්ද අලුත්ගමගේ මහතා පවසනවා.
ඒ, ලබන වසරේ සිට, කොවිඩ් වසංගතය හේතුවෙන් නැවතී ඇති ග්රාමීය සංවර්ධන කටයුතු නැවත ආරම්භ කිරීම සඳහායි.
අමාත්යවරයා මේ බව ප්රකාශ කර සිටියේ මාවනැල්ල හා අරනායක මැතිවරණ කොට්ඨාසවල පලාත් පාලන ආයතනවල නියෝජිතයින් සමඟ පැවැති සාකච්ඡාවකදීයි.
මීට අමතරව, පාර්ලිමේන්තු මන්ත්රීවරයෙකුට ලක්ෂ 100 ක් බැගින් ද ලබා දීමට මුදල් අමාත්ය බැසිල් රාජපක්ෂ මහතා තිරණය කර ඇති බවත් ඔහු පවසනවා.
වත්මන් රජය බලයට ගෙන ඒමට කැප වී ක්රියා කළ පළාත් පාලන ආයතනවල නියෝජිතයින් මුහුණ දී සිටින ගැටලු සම්බන්ධයෙන් රජයට අවබෝධයක් ඇති බවත් ගත වු වසර එකහමාරක කාලය තුල කොරෝනා වසංගතයෙන් ජනතාව මුදවා ගැනීමට රජය ප්රමුඛත්වය ලබා දුන් නමුත් ලබන ජනවාරි මාසයේ සිට ග්රාමීය සංවර්ධන කටයුතු වෙනුවෙන් පළාත් පාලන ආයතනවල නියෝජිතයින්ට ශක්තිය ලබා දීමට රජය තීරණය කර ඇති බව අමාත්යවරයා මෙහිදී වැඩිදුරටත් පවසා සිටියා.