කොවැක්ස් පහසුකම යටතේ ශ්‍රී ලංකාවට ෆයිසර් එන්නත් මාත්‍රා ලක්ෂයක් අද (28) හිමි වූ බව, සෞඛ්‍ය අමාත්‍ය කෙහෙළිය රඹුක්වැල්ල ප්‍රකාශ කරනවා.
කොවැක්ස් පහසුකම යටතේ මේ වනවිට රටවල් 138කට එන්නත් මිලියන 209ක් ඇමෙරිකාව විසින් පරිත්‍යාග කර තිබෙනවා.
ඇමෙරිකා එක්සත් ජනපද තානාපති කාර්යාලය නිවේදනයක් නිකුත් කරමින් පැවසුවේ, ජූලි මස 16 වනදා පරිත්‍යාග කළ මොඩර්නා එන්නත් මාත්‍රා මිලියන 1යි දශම 5ට අමතර ව, මෙම ෆයිසර් එන්නත් මෙරටට පරිත්‍යාග කළ බවයි.
මෙරට එන්නත්කරණ වැඩසටහන කාර්යක්ෂක කිරීමේ අරමුණින් එම පරිත්‍යාගය ලබාදෙන බව මෙරට අමෙරිකානු තානාපතිනි ඇලයිනා ඩි ටෙප්ලිට්ස් මහත්මිය සඳහන් කරනවා.
එක්සත් ජනපදයෙන් කෝවැක්ස් හරහා පරිත්‍යාග කරන ෆයිසර් එන්නත් 100,000 ඉක්මවන තොගයක් අද ශ්‍රී ලංකාවට ලැබුණි! ජීවිත බේරාගැනීමටත් ශ්‍රී ලංකා ආර්ථිකය යළි පණගැන්වීමටත් එක්සත් ජනපදය කැපවී ඇති නිසා, මේවා ශ්‍රී ලාංකීය ජනතාවට ලැබෙන්නේ සම්පූර්ණයෙන්ම නොමිලයේයි. https://t.co/bSAL5iMv6M
— U.S. Embassy Colombo (@USEmbSL) August 28, 2021
