කුප්රකට පාර්ලිමේන්තු මන්ත්රී සනත් නිශාන්තගේ නිවසට ගිනි තැබීමේ සිද්ධිය සම්බන්ධයෙන් සැකකරුවන් 12 දෙනෙකු ඊයේ (26) ආරච්චිකට්ටුව පොලිසිය අත්අඩංගුවට ගෙන තිබෙනවා.
පොලිසිය සදහන් කළේ මෙම පිරිස දේශපාලන පක්ෂ කිහිපයකට සම්බන්ධ පිරිසක් බවයි.
පසුගිය මැයි 9 වනදා රට පුරා ඇතිවූ කලහකාරී සිදුවීම් සමග හිටපු පාර්ලිමේන්තු මන්ත්රී සනත් නිශාන්තගේ නිවසට ගිනිතබා විනාශ කර තිබුණා.
ඒ සනත් නිශාන්ත මහතා ගෝල්ෆේස් අරගල භූමියට පහරදීමට පැමිණි පිරිස අතර වන ඡායාරූප සමාජ මාධ්යයේ පලවීමත් සමගයි.
මේ අතර ඉකුත් මැයි 09 වැනි දා පාර්ලිමේන්තු මන්ත්රී නීතීඥ ප්රේමනාත් සී දොලවත්තට අයත් නවගමුවේ පිහිටි නිවසට හා දේපලවලට හානි කිරීමේ සිද්ධියක් සම්බන්ධයෙන් අවශ්ය කර සිටි සැකකරුවන් හය දෙදෙනෙක් ඊයේ (26) බස්නාහිර පළාත් දකුණ අපරාධ කොට්ඨාසයේ නිලධාරීන් විසින් අත්අඩංගුවට ගෙන ඇති බව පොලීසිය පවසනවා.
මෙලෙස අත්අඩංගුවට පත් ව ඇත්තේ වයස අවුරුදු 19,20,24 හා 29ක් වන වැලිවිට හා හෝමාගම යන ප්රදේශවල පදිංචිකරුවන්.