උතුරු ඉතාලියේ මැගීගෝර් විල අසල පිහිටි කේබල් කාර් රථයක් කඩා වැටීමෙන් කුඩා දරුවෙකු ඇතුළු 14 දෙනෙකු මියගොස් ඇති බව විදෙස් මාධ්‍ය වාර්තා කරනවා.
ඉතාලියේ පීඩ්මොන්ට් ප්‍රදේශයේ පිහිටි මොටරෝන් කන්ද මුදුනේ තිබෙන නිවාඩු නිකේතනයක සිට මගීන් පහළට රැගෙන ඒමේදී මෙම අනතුර සිදුවී තිබෙනවා.
අනතුරට ලක්වූවන්ගෙන් වැඩි පිරිසක් අනතුර සිදුවූ ස්ථානයේදීම මිය ගිය අතර බරපතළ තුවාල ලැබූ තවත් පුද්ගලයන් දෙදනකු ගුවන් මගින් රෝහලට ප්‍රවාහනය කරන අතර එක් අයෙකු මියගොස් තිබුණා.
මියගිය පුද්ගලයන් අතර ඊශ්‍රායල් ජාතිකයන් පස්දෙනෙකු සිටින බව ඊශ්‍රායල් විදේශ අමාත්‍යාංශය ප්‍රකාශ කර සිටිනවා.
අනතුරට හේතුව මේ දක්වා පැහැදිලි නැතත් මේ දක්වා සොයාගත් කරුණු අනුව ප්‍රකාශ වන්නේ රථය පොළොව මට්ටමේ සිට මීටර් 300 පමණ ඉහලදී කඩා වැටෙන්නට ඇති බවයි.
බිමට කඩා වැටුනු රථය මීටර් 20 පමණ පහලට පෙරලී ගොස් ඇති බවයි පැවසෙන්නේ.
මෙම කේබල් කාර් පද්ධතිය 1970 වසරේදී විවෘත කරන ලද අතර අළුත්වැඩියා කටයුතු සඳහා 2014 සිට 2016 වසර දක්වා සම්පූර්ණයෙන් වසා දමා තිබුණා.
– තිලාන් ජයසේකර –
