පොල්ගෙඩි 15ක් සොරකම් කිරිමේ සිද්ධියක් සම්බන්ධයෙන් අත් අඩංගුවට ගෙන අධිකරණයට ඉදිරිපත් කරන ලද සැකකරුවන් දෙදෙනෙකු ඇප මත මුදා හැර තිබෙනවා
අයෙකුට රුපියල් ලක්ෂය බැගින් වූ ශරීර ඇප 2ක් මත ඔවුන්ව මුදා හැරීමටයි ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා අද (10) නියෝග කර ඇත්තේ .
පසුගිය මස 31 වනදා බූස්ස ප්‍රදේශයේ ඉඩමකින් අදාළ පොල් ගෙඩි සොරකම් කිරීම සම්බන්ධයෙන් ලද පැමිණිල්ලකට අනුව පොලීසිය ඔවුන් අත්අඩංගුවට ගෙන අධිකරණයට ඉදිරිපත් කර ඇති බවයින් වාර්තා වන්නේ.
මෙසේ ඇප මත මුදා හැර ඇත්තේ බූස්ස ප්‍රදේශයේ පදිංචි 20 සහ 23 හැවිරිදි තරුණයින් දෙදෙනෙක්.
