සංචාරකයින් වෙනුවෙන් ආයතන 24 ක පිහිටුවා ඇති වැසිකිලි පවිත්‍ර කිරීමට රුපියල් ලක්ෂ 15ක් මාසිකව මධ්‍යම සංස්කෘතික අරමුදල විසින් වැය කරන බව එහි අධ්‍යක්ෂ ජනරාල් මහාචාර්ය ගාමිණී රණසිංහ මහතා පවසනවා.
ඔහු පෙන්වාදෙන්නේ එම වැසිකිලි දේශීය සංචාරකයින් විසින් නිසි පරිදි භාවිත නොකිරීම හේතුවෙන් නිතර අපිරිසිදු තත්ත්වයට පත්වන ඒවා පිරිසිදු කිරීමට පමණක් අදාළ මුදල වැය වන බවයි.
කෙසේවෙතත් විදේශීය සංචාරකයින් හොඳ තත්ත්වයෙන් වැසිකිලි භාවිත කරන බව මධ්‍යම සංස්කෘතික අරමුදලේ අධ්‍යක්ෂ ජනරාල් මහාචාර්ය ගාමිණී රණසිංහ මහතා සඳහන් කළා.
