එළඹෙන පළාත් පාලන මැතිවරණයේ දී ඡන්ද විමසීමේදී එක් ඡන්ද දායකයෙක් රුපියල් 15ක ප්‍රමාණයක් වියදම් කළ හැකි බවට දේශපාලන පක්ෂ ලේකම්වරුන් එකඟතාවයට පැමිණ තිබෙනවා.
එම අගය ජනතාවගේ ප්‍රමාණයෙන් වැඩිකර ලැබෙන අගය එක් අපේක්ෂකයෙකුට වියදම් කළ හැකි බවයි කොමිසම පෙන්වා දී ඇත්තේ.
සාකච්ඡාවට සහභාගී වීමෙන් අනතුරුව මාධ්‍ය වෙත අදහස් දක්වමින් පාර්ලිමේන්තු මන්ත්‍රී දයාසිරි ජයසේකර මහතා කියා සිටියේ එයින් 60% ක ප්‍රමාණයක් පක්ෂයකට වියදම් කළ හැකි සීමාව බවයි.
ඒ අනුව මැතිවරණය අවසන් වී දින 21ක් තුළ තරඟ කර අපේක්ෂකයන් සහ දේශපාලන පක්ෂ විසින් ඔවුන්ගේ සියලු ආකාරයේ වියදම් ඇතුළත් කර විගණනය කරන ලද වාර්තාවක් මැතිවරණ කොමිෂන් සභාවට භාර දිය යුතු වනවා.
මේ අතර මැතිවරණ කොමසාරිස් ජනරාල් සමන් ශ්‍රී රත්නායක මහතා කියා සිටියේ මුදල් සිමාවෙන් ඔබ්බට වියදම් සිදුකර ඇති බව ඔප්පු වුවහොත් අධිකරණය තුළදී අදාළ ධුරය අහිමිවීමට හැකියාවක් ඇති බවයි.
