නිරෝධායනය නීති කඩ කිරීමේ චෝදනා මත ඊයේ දිනයේදී (24) පුද්ගලයන් 19 දෙනෙකු අත්අඩංගුවට ගෙන තිබෙනවා.
පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසන්නේ ඉන් වැඩි දෙනෙකු කිරිබත්ගොඩ සහ පිළියන්දල ප්‍රදේශවලින් අත්අඩංගුවට ගෙන ඇති බවයි.
මුඛ ආවරණ නොපැළඳීම ඇතුලු නිරෝධායන නීති කඩ කරන්නන් අත්ඩංගුවට ගැනීමේ මෙහෙයුම් ආරම්භ කළ පසුගිය ඔක්තෝම්බර් 30 වනදා සිට මේ දක්වා අත්අඩංගුවට ගෙන ඇති සමස්ත සංඛ්‍යාව 3470ක්.
මෙම මෙහෙයුම අඛණ්ඩව ක්‍රියාත්මක කරන බව ද පොලිස් මාධ්‍ය ප්‍රකාශකවරයා සඳහන් කරනවා.
දිවයිනේ කුමන ප්‍රදේශයක සිටියද නිවසින් පිටවී යන විට මුහුණු ආවරණ භාවිත කළ යුතුබවත් පොදු ප්‍රවාහන සේවා භාවිතාකරන අතරතුර තම මුහුණු ආවරණය ඉවත් කිරීමෙන් වළකින ලෙසත් පොලීසිය සදහන් කරනවා.
එමෙන්ම සෞඛ්‍ය බලධාරීන්ගේ අවසරයකින් තොරව උත්සව පැවැත්වීමේ හැකියාවක් නොමැති බවද පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහන මහතා පවසනවා.
