චීනයේ නිෂ්පාදිත ඉලෙක්ට්රොනික භාණ්ඩ සන්නාම 19ක් සිය ජාලය හරහා අලෙවි කිරීම තහනම් කිරීමට සුප්‍රසිද්ධ ඇමසන් වෙබ් අඩවිය පියවර ගෙන තිබේ.
ඇමසන් බලධාරීන් උපුටා දක්වමින් විදෙස් මාධ්‍ය වාර්තා කර ඇත්තේ කැමරා, ඉයර්ෆෝන්, පවර් බෑන්ක් ආදි නිෂ්පාදන සමූහයක් එම වෙබ් අඩවිය හරහා අලෙවි කිරීම මෙලෙස තහනම් කර ඇති බවයි.
මෙම තහනමට හේතුව අදාළ භාණ්ඩ අලෙවිකරුවන්, එම භාණ්ඩ සම්බන්ධයෙන් කෘතිමව ව්‍යාජ පාරිභෝගික ප්‍රතිචාර ඇතුළත් කරවීමයි.
මෙහිදී අදාළ භාණ්ඩ අලෙවිකරුවන් ලෝ පුරා විවිධ පුද්ගලයන්ට ත්‍යාග ඇතුලු විවිධ වරප්‍රසාද ලබාදී තම භාණ්ඩ සම්බන්ධයෙන් වන ව්‍යාජ ධනාත්මක ප්‍රතිචාර සටහන් කරවීමට කටයුතු කර ඇති බව ඇමසන් සමාගම සදහන් කර තිබේ.
තම පාරිභෝගික ආරක්ෂණ ප්‍රතිපත්ති සහ රෙගුලාසි යටතේ එම භාණ්ඩ ඉවත් කිරීමට කටයුතු කළ බව ඇමසන් සමාගම සදහන් කරයි.
