ප්‍රධාන විපක්ෂය වන සමගි ජන බලවේගය විනාශ කිරීමට රජය කුමන්ත්‍රණය කරන බවට විපක්ෂ නායක සජිත් ප්‍රේමදාස චෝදනා කරනවා.
ඒ, ඊයේ (31) දෙහිවල පැවති ජනහමුවක් අමතමින්.
“මන්ත‍්‍රීවරයෙකුට පක්ෂෙ මාරු කිරීමට රුපියල් මිලියන 200ක් දීමට ඔවුන් සූදානම් බවට මට තොරතුරු ලැබී තිබෙනවා. මේ ආණ්ඩුවට පිස්සුද දන්නේ නැහැ. දැන් වෙන්නේ ආණ්ඩුවේ කොටස් විපක්‍ෂයට යන එකයි.
ඒගොල්ලො කියනවා ආණ්ඩුවට මැතිවරණ තියන්න සල්ලි නැහැ කියලා, නමුත් ආණ්ඩුව ආරක්ෂා කරන්න මන්ත්‍රීවරුන්ට අල්ලස් දෙන්න සල්ලි තියෙනවා.”
හැකි නම් සජබ මන්ත්‍රීවරුන්ට අල්ලස් දීමට උත්සාහ කරන ලෙසත් සජබය මුදලට විකුණන සාමාජිකයන් නොමැති බවත් පවසමින් සජිත් රජයට අභියෝග කරනවා.
