පාස්කු ප්රහාරයට අදාලව මහාධිකරණ 05 ක නඩු 09 ක් දැනටමත් ක්රියාත්මක වන බව මහජන ආරක්ෂක අමාත්ය සරත් වීරසේකර මහතා පවසනවා.
ඒ, අද (11) දින පාර්ලිමේන්තුවේදී අමාත්යංශ ප්රකාශයක් සිදු කරමින්.
නවුෆර් මවුලවි ඇතුළු ප්රධාන සැකකරුවන් 24 දෙනෙකුට එරෙහිව ගොනුකර ඇති මෙම නඩු ත්රිපුද්ගල විනිසුරු මඩුල්ලක් හමුවේ විභාග වන බවත්, දිනපතා විභාග කර නඩු හැකි ඉක්මනින් අවසන් කිරීමට තීරණය කර ඇති බවත් ඇමතිවරයා පවසනවා.
මීට අමතරව තවත් 200 කට පමණ නඩු ගොනු කිරීමට නියමිත බවත්, චෝදනා 23,700 ක් යටතේ චෝදනා ගොනු කිරීම සිදුවනු ඇති බවයි ඔහු පවසන්නේ. මේ වනවිට ඊට අදාල මූලික කටයුතු අවසන් කර ඇති අතර දැන් සියල්ල ඇත්තේ ‘නීතිපතිවරයාගේ අතේ’ බවත් වීරසේකර මහතා අවධාරණය කර සිටිනවා.
තවමත් විමර්ශන සිදුවන බැවින් ඒ සම්බන්ධයෙන් වැඩිදුර තොරතුරු ප්රසිද්ධ කළ නොහැකි බවයි ඔහු පවසන්නේ.