රයිගම් ටෙලි සම්මාන උළෙලේ 2020 වසරේ විශිෂ්ටතම රූපවාහිනී ප්රවෘත්ති නිවේදකයාට හිමි සම්මානය දිනාගැනීමට හිරු ටීවී නාලිකාව වෙනුවෙන් බුද්ධි ධනුක අබේසිංහ සමත් වුණා.
එමෙන්ම විශිෂ්ටතම රූපවාහිනී ප්රවෘත්ති නිවේදිකාවට හිමි සම්මානය මෙවර හිමිවුණේ ස්වර්ණවාහිනී නාළිකාව වෙනුවෙන් චවිකා ගුණසේකර හටයි.
2020 වසරේ විශිෂ්ටතම දමිළ රූපවාහිනී ප්රවෘත්ති නිවේදකයාට හිමි සම්මානය වසන්තම් ටීවී නාළිකාව වෙනුවෙන් මුනියාන්ඩි කවීතා හට හිමිවූ අතර වසරේ විශිෂ්ටතම ඉංග්රීසි රූපවාහිනී ප්රවෘත්ති නිවේදකයාට හිමි සම්මානය TV1 නාළිකාව වෙනුවෙන් ජයමල් රත්නායක හිමිකර ගත්තා.
2020 වසරේ විශිෂ්ටතම රූපවාහිනී ප්රවෘත්ති විකාශයට හිමි සම්මානය මෙවර හිමිවුණේ හිරු ටීවී නාලිකාවේ විකාශය වන හිරු ප්රවෘත්ති වෙතයි.
කොවිඩ් වසංගත තත්ත්වය හේතුවෙන් 2020 වසරේ රයිගම් ටෙලි සම්මාන උළෙල නොපැවැත්වීම නිසා මෙවර 2020 හා 2021 යන දෙවසරටම අදාළව සම්මාන ලබාදීම සිදුකෙරුණා.