රයිගම් ටෙලි සම්මාන උළෙලේ 2021 වසරේ හොඳම ටෙලි නාට්ය නිළියට හිමි සම්මානය චම්පා ශ්රියානි මහත්මිය හට හිමිවුණා.
ඒ ස්වාධීන රූපවාහිනී සේවයේ විකාශය වූ ‘සකර්ම’ ටෙලි නාට්යයෙහි සිරියාවතීගේ චරිතය වෙනුවෙන්.
එමෙන්ම එම වසරේ හොඳම නළුවාට හිමි සම්මානය තුසිත ලක්නාත් හට හිමිවුණා.
ඒ ස්වාධීන රූපවාහිනී සේවයේ විකාශය වූ ‘සකර්ම’ ටෙලි නාට්යයෙහි ලීලරත්නගේ චරිතය වෙනුවෙන්.
2021 වසරේ විශිෂ්ඨතම ටෙලි නාට්ය ලෙසද ස්වාධීන රූපවාහිනී සේවයේ විකාශය වූ ‘සකර්ම’ ටෙලි නාට්ය සම්මාන හිමිකරගත්තා.
එම වසරේ විශිෂ්ඨතම අධ්යක්ෂකවරයාට හිමි සම්මානය චන්දන පුෂ්පලාල් ලියනගුණවර්ධන මහතා හිමිකරගත්තා.
ඒ ස්වාධීන රූපවාහිනී සේවයේ විකාශය වූ ‘සකර්ම’ ටෙලි නාට්ය වෙනුවෙන්.
2021 වසරේ නැගී එන නළුවා සම්මානය ස්වාධීන රූපවාහිනී සේවයේ විකාශය වූ ‘Pork වීදිය’ ටෙලිනාට්යයේ ‘දේව්’ ගේ චරිතය රඟපෑ සංගීත් ප්රභූ හට හිමිවුණා.
එමෙන්ම එම වසරේ නැගී එන නිළියට හිමි සම්මානය ස්වාධීන රූපවාහිනී සේවයේ විකාශය වූ ‘Pork වීදිය’ ටෙලිනාට්යයේ ‘මන්දාකිණී’ ගේ චරිතය රඟපෑ ශෂී ඇන්ජලීනා හිමිකර ගැනීමට සමත් වුණා.
කොවිඩ් වසංගත තත්ත්වය හේතුවෙන් 2020 වසරේ රයිගම් ටෙලි සම්මාන උළෙල නොපැවැත්වීම නිසා මෙවර 2020 හා 2021 යන දෙවසරටම අදාළව සම්මාන ලබාදීම සිදුකෙරුණා.