රයිගම් ටෙලි සම්මාන උළෙලේ 2021 වසරේ විශිෂ්ටතම රූපවාහිනී ප්‍රවෘත්ති නිවේදකයාට හිමි සම්මානය දිනාගැනීමට සිරස ටීවී නාලිකාව වෙනුවෙන් රන්දික රවීන් සපුආරච්චි සමත් වුණා.
එමෙන්ම විශිෂ්ටතම රූපවාහිනී ප්‍රවෘත්ති නිවේදිකාවට හිමි සම්මානය මෙවර හිමිවුණේ හිරු ටීවී ආයතනය වෙනුවෙන් උත්පලා රත්නායක හටයි.
2021 වසරේ විශිෂ්ටතම දමිළ රූපවාහිනී ප්‍රවෘත්ති නිවේදකයාට හිමි සම්මානය නේත්‍රා ටීවී නාලිකාව වෙනුවෙන් රාධිකා වින්සන් හට හිමිවූ අතර වසරේ විශිෂ්ටතම ඉංග්‍රීසි රූපවාහිනී ප්‍රවෘත්ති නිවේදකයාට හිමි සම්මානය TV1 නාලිකාව වෙනුවෙන් තරුෂ නදීර කුමාරසිංහ හිමිකර ගත්තා.
2021 වසරේ විශිෂ්ටතම රූපවාහිනී ප්‍රවෘත්ති විකාශයට හිමි සම්මානය මෙවර හිමිවුණේ සිරස ටීවී නාලිකාවේ News1st ප්‍රවෘත්ති වෙතයි.
කොවිඩ් වසංගත තත්ත්වය හේතුවෙන් 2020 වසරේ රයිගම් ටෙලි සම්මාන උළෙල නොපැවැත්වීම නිසා මෙවර 2020 හා 2021 යන දෙවසරටම අදාළව සම්මාන ලබාදීම සිදුකෙරුණා.
