2024 වසරේදී මෙරට ගුවන් තොටුපොළ හරහා මගී ගුවන් යානා හා භාණ්ඩ ප්රවාහනයේ වේගවත් වර්ධනයක් පෙන්නුම් කර ඇතැයි ගුවන් තොටුපොළ හා ගුවන් සේවා සමාගම වාර්තා කරනවා.
බණ්ඩාරනායක ජාත්යන්තර ගුවන්තොටුපළ (BIA), යාපනය ජාත්යන්තර ගුවන්තොටුපළ (JIA) සහ මත්තල රාජපක්ෂ ජාත්යන්තර ගුවන්තොටුපළ (MRIA) ඇතුළු රටේ ගුවන්තොටුපළවල් මෙම ගණනය කිරීම්වලට අයත් වෙනවා.
ඒ අනුව, 2024 වසරේදී ගුවන් මගීන්ගේ පැමිණීම් හා පිටවීම් වාර ගණන මිලියන 8.88 දක්වා ඉහළ ගොස් තිබෙනවා.
එම සමාගමේ අලෙවිකරණ හා ආයතනික සන්නිවේදන අංශ ප්රධානි ආචාර්ය සුමිත් ද සිල්වා මහතා පැවසුවේ, එය 2023 වසරට සාපේක්ෂව 17.69% ක වර්ධනයක් බවයි.
පසුගිය වසරෙදී ගුවන් යානාවල පැමිණීම හා පිටවීම 56.289 ක් දක්වා වර්ධනය වී ඇති අතර එය 2023 වසරට සාපේක්ෂව 20.69% ක් වන බවද ආචාර්ය සුමිත් ද සිල්වා මහතා සඳහන් කළා.
එමෙන්ම, භාණ්ඩ ප්රවාහනය මෙට්රික් ටොන් 192.498 ක් වන බවත් එය 2023 වසරට සාපේක්ෂව 21.13% ක වර්ධනයක් බව ද ඔහු පවසා සිටියා.