ඇෆ්ගනිස්තානයේ හෙල්මාන්ඩ් පළාතේ සිදුවු රිය අනතුරකින් පුද්ගලයින් 21 දෙනෙකු ජිවිතක්ෂයට පත්ව තිබෙනවා.
විදෙස් මාධ්‍ය වාර්තා කර ඇත්තේ, මාර්ගයේ ධාවනය වෙමින් තිබු මගී බස් රථයක් යතුරුපැදියක සහ ඉන්ධන බවුසරයක ගැටී පෙරළීගොස් ගිනි ගැනීමට ලක්වීමෙන් අනතුර සිදුව ඇති බවයි.
අනතුරෙන් තවත් පුද්ගලයින් 38 දෙනෙකු තුවාල ලබා රෝහල් ගතකර තිබෙනවා.
මේ අතර, පසුගිය මාස 10ක කාලය තුළ ඇෆ්ගනිස්තානයේ සිදුවූ රිය අනතුරුවලින් පුද්ගලයින් 1600 අධික පිරිසක් මියගොස් තවත් 4000කට අධික පිරිසක් තුවාල ලබා ඇති බවයි වාර්තා වනවා.
