2022 වර්ෂය තුළ පමණක් ශ්‍රී ලංකාව තුළ ළමා ගැබිනියන් 2087ක් වාර්තා වන බව පවුල් සෞඛ්‍ය සංවර්ධනයේ වාර්තාවක සඳහන් වී ඇති බව රාජ්‍ය ඇමතිනී ගීතා කුමාරසිංහ මහත්මිය පවසනවා.
අමාත්‍යවරිය ඊයේ (20) පාර්ලිමේන්තුවේදී මේ බව සඳහන් කළා.
ගීතා කුමාරසිංහ මහත්මිය පවසන්නේ නිවැරදි ලිංගික අධ්‍යාපනයක් නොතිබීම, මව විදේශ ගත වීම, මව සහ පියා දෙදෙනාම රැකියාවලට යාම හා මව්පියන් මත්ද්‍රව්‍යවලට ඇබ්බැහි වීම මීට ප්‍රධාන වශයෙන් හේතු වී ඇති බවයි.
මේ සම්බන්ධ ප්‍රශ්න වලට මුහුණ දෙන දරුවන්ට නොමිලේ නීති කටයුතු කර ගැනීමේ අවස්ථව ලබා දීමට කටයුතු කරන බවද ඇය වැඩි දුරටත් පවසා සිටියා.
