සෞඛ්‍ය අමාත්‍යාංශය විසින් මිල දී ගත් තවත් ෆයිසර් එන්නත් මාත්‍රා 26,000ක් අද (12) අලුයම දිවයිනට රැගෙනවිත් තිබෙනවා.
එම එන්නත් මාත්‍රා තොගය කටුනායක ගුවන් තොටුපොළට රැගෙන ඒමෙන් පසු ගබඩා වෙත විශේෂිත ලොරි රථවලින් රැගෙන යාමට කටයුතු කර තිබුණා.
මීට පෙරද අමෙරිකාවේ නිෂ්පාදිත ෆයිසර් එන්නත් මාත්‍රා 26,000ක් මෙරටට රැගෙන ආවා.
එමෙන්ම ඊයේ දිනයේද චීනයෙන් මිලදී ගත් සයිනොෆාම් එන්නත් මාත්‍රා මිලියන 2 ක් මෙරටට රැගෙන ඒමට කටයුතු කර තිබුණා.
මේ දක්වා මෙරටට සයිනොෆාම්, ඇස්ට්‍රාසෙනිකා, ස්පුට්නික් v හා ෆයිසර් යන කොවිඩ් මර්දන එන්නත් මාත්‍රා 8,571,000ක් ලැබී ඇති බවත් ඉන් මාත්‍රා 5,330,492ක් මේ වන විට පුද්ගලයන්ට ලබා දී ඇති බව වසංගත රෝග විද්‍යා ඒකකය පවසනවා.
