ශ්‍රී ලංකාව ඩොලර් බිලියන 3.3 ක ණය ප්‍රතිව්‍යුහගත කිරීමක් සඳහා චීන සංවර්ධන බැංකුව සමඟ එකඟතාවකට පැමිණ තිබෙනවා.
චීන එක්සිම් බැංකුව, චීන සංවර්ධන බැංකුව, නිල ණය හිමියන්ගේ කමිටුව සහ බැඳුම්කර හිමියන් සමඟ ඇති කර ගත් ණය ප්‍රතිව්‍යුහගත කිරීමේ එකඟතාවන්ගේ ප්‍රතිඵලයක් ලෙස, ජාත්‍යන්තර මූල්‍ය අරමුදල සමඟ වන වැඩසටහන යටතේ ශ්‍රී ලංකාවට ඩොලර් බිලියන 17කට අධික ණය සහනයක් හිමිව ඇතැයි රජය පවසනවා.
මේ අතර වත්මන් ශුද්ධ ණය වටිනාකමින් 40.3% ක් සඳහා සහනයක් ලබාගනිමින්, දළ වශයෙන් ඩොලර් බිලියන 17.5 ක විදේශ ණය ප්‍රතිව්‍යුහගත කිරීම සඳහා ශ්‍රී ලංකාව සිය බාහිර වාණිජ ණය හිමියන් සමඟ ද එකඟතාවකට එළැඹ තිබෙනවා.
මෙමඟින් සැලකිය යුතු ණය සහනයක් හිමිවන අතර ණය පොලී ගෙවීම් අඩු කරමින් මෙරට මූල්‍ය ස්ථාවරත්වය ශක්තිමත් කිරීමට හැකියාව ලැබෙන බව රජය පවසනවා.
