කොවිඩ් -19 වසංගතය හමුවේ අත්හිටුවා තිබූ මෙරටට සංචාරකයින් ගෙන්වීමේ වැඩපිළිවෙළ යටතේ දෙසැම්බර් මස 28 වන දින යුක්රේන ජාතිකයින් 185 දෙනෙක් දිවයිනට පැමිණි අතර ඔවුන් පිළිගැනීම සදහා උදයංග වීරතුංග මහතා මත්තල ජාත්යාන්තර ගුවන්තොටුපලට පැමිණ තිබුණා.
ඉන් පසුව එහි දෙවැනි කණ්ඩායම ලෙස දෙසැම්බර් මස 29 වන දින තවත් යුක්රේන ජාතිකයින් 204 දෙනෙක් මත්තල ගුවන්තොටුපොළින් මෙරටට පැමිණියා.
කෙසේ වෙතත් මෙලෙස පැමිණි යුක්රේන ජාතිකයන් තිදෙනෙක් පසුගිය 30 වනදා කොවිඩ් 19 ආසාදිතයන් බවට හදුනා ගැනුණා.
මේ අතර එම පිරිසෙන් තවත් පුද්ගලයින් තිදෙනෙක්ද කොවිඩ් 19 ආසාදිතයන් බවට හදුනාගෙන ඇති බව සෞඛ්ය අමාත්යාංශය නිවේදනය කරනවා.
ඒ අනුව යුක්රේනයේ සිට පැමිණි පිරිසෙන් කොවිඩ් ආසාදිතයන් ප්රමාණය 6 දක්වා ඉහළ ගොස් තිබෙනවා.
මේ අතර යුක්රේන ජාතික සංචාරකයන් මෙරටට ගෙන්වීමේදී නිසි සෞඛ්ය මාර්ගෝපදේශ ක්රියාත්මක නොකල බවට සෞඛ්ය අංශ චෝදනා කරනවා.
ඔවුන් හරහා මෙරටට ඇතුළුවන්නේ කොවිඩ් වෛරසයේ කුමන ප්රභේදයදැයි සොයාගැනීමට තරම් ප්රමාණවත් යන්ත්ර හෝ නොමැති බවට රජයේ වෛද්ය රසායනාගාර විද්යාඥයින්ගේ සංගමයද සදහන් කළා.
ඊයේ (30) පැවති ප්රවෘත්ති සාකච්ඡාවකදී එම සංගමයේ සභාපති රවී කුමුදේශ් මහතා සදහන් කළේ මෙවැනි ක්රියා හරහා තුන්වන කොවිඩ් රැල්ලට අත වනන්නේ සෞඛ්ය අමාත්යාංශයම බවයි.