යුක්‍රේනයේ සුමි නගරයට රුසියාව එල්ල කළ ප්‍රහාරයකින් පුද්ගලයින් 34 දෙනෙක් මිය ගොස් ඇති බව විදෙස් මාධ්‍ය වාර්තා කරනවා.
යුක්රේන බලධාරීන් පෙන්වා දෙන්නේ ප්‍රහාරයෙන් ළමුන් 15 දෙනෙකු ඇතුළුව 117 දෙනෙකු තුවාල ලබා ඇති බවයි.
එරට වේලාවෙන් රාත්‍රී 10.15 ට පමණ යුක්‍රේනයේ සුමි රාජ්‍ය විශ්ව විද්‍යාලය සහ එහි කොන්ග්‍රස් මධ්‍යස්ථානය අවට ප්‍රදේශයට මෙම බැලැස්ටික් මිසයිල ප්‍රහාර එල්ල කර තිබුණා.
මිසයිලවල බලපෑමෙන් ලේ වැකුණු සිරුරු වීදි පුරා විසිරී ඇති ආකාරය ප්‍රහාරයෙන් පසුව නිකුත් කර ඇති ඡායාරූපවල සහ වීඩීයෝ පටවල දැක්වෙනවා.
තුවාල ලැබූවන් අතර මේ වසරේ උපත ලැබූ ගැහැණු ළමයෙකු සිටින බවත්, ජීවිත බේරා ගැනීමට වෛද්‍යවරුන් “ඔවුන්ට හැකි සෑම දෙයක්ම” කරමින් සිටින බවත් යුක්රේන ජනාධිපති වොලොඩිමියර් සෙලෙන්ස්කි පවසා තිබෙනවා.
