ඕස්ට්‍රේලියාව හා ශ්‍රී ලංකාව අතර ඊයේ (16) පැවැති ක්‍රිකට් තරගය නැරඹීමට පැමිණි ප්‍රේක්ෂකයින් සිව් දෙනෙක් අත්අඩංගුවට ගෙන තිබෙන බව පොලිස් මාධ්‍ය ප්‍රකාශකවරයා ප්‍රකාශ කරනවා.
ඔහු පවසන්නේ පොලිස් නිලධාරීන්ගේ රාජකාරියට බාධා කරමින් හැසිරීම නිසා මොවුන් අත්අඩංගුවට ගත් බවයි.
මේ අතර සංචාරක ඔස්ට්‍රේලියානු කණ්ඩායම සහ ශ්‍රී ලංකා කණ්ඩායම අතර මහනුවර පල්ලෙකැලේ ක්‍රීඩාංගණයේ පැවති දෙවන එක්දින ක්‍රිකට් තරගය ජයගැනීමට ශ්‍රී ලංකා කණ්ඩායම ඊයේ සමත්වුණා.
තරඟයේ ප්‍රථමයෙන් පන්දුවට පහරදුන් ශ්‍රී ලංකා කණ්ඩායම කඩුලු 9ක් දැවී ලකුණු 220ක් රැස්කරගත්තා.
කෙසේවෙතත් 47 වන පන්දුවාරයේදී තරගයට වර්ෂාවෙන් බාධා එල්ලවීමත් සමග ඩක්වත් ලුවිස් න්‍යායට අනුව තරගය ජයගැනීම සඳහා පන්දුවාර 43කදී ඔස්ට්‍රේලියාවට ලැබී තිබූ ඉලක්කය ලකුණු 216 ක්.
ඒ අනුව ඔස්ට්‍රේලියාව සියලුදෙනා දැවී ලබාගත්තේ ලකුණු 189 ක් පමණයි.
