වරාය සහ ගුවන්සේවා සේවා රාජ්‍ය අමාත්‍ය ප්‍රේමලාල් ජයසේකර, විදුලි හා බලශක්ති රාජ්‍ය අමාත්‍ය ඉන්දික අනුරුද්ධ, කෘෂිකර්ම රාජ්‍ය අමාත්‍ය මොහාන් ප්‍රියදර්ශන ද සිල්වා සහ මහාමාර්ග රාජ්‍ය අමාත්‍ය සිරිපාල ගම්ලත් යන අය වහාම ක්‍රියාත්මක වන පරිදි නිල වශයෙන් සිය ධුරවලින් ඉවත් කර තිබෙනවා.
ශ්‍රී ලංකා ආණ්ඩුක්‍රම ව්‍යවස්ථාවේ 47(3) (අ) ව්‍යවස්ථාව මගින් ජනාධිපතිවරයා වෙත ලබා දී ඇති අධිකාරිය යටතේ මෙම තීරණය ගෙන ඇති බව ජනාධිපති මාධ්‍ය අංශය නිවේදනය කරනවා.
අදාළ රාජ්‍ය අමාත්‍යවරුන් සියලු දෙනාම මෙවර ජනාධිපතිවරණයේදී නාමල් රාජපක්ෂ මහතාට සහය පලකරන රාජ්‍ය අමාත්‍යවරුන්වීම විශේෂත්වයක්.
ප්‍රේමලාල් ජයසේකර රාජ්‍ය අමාත්‍යවරයා මීට පෙර ජනාධිපති රනිල් වික්‍රමසිංහ මහතාට සහය පලකරන බව පැවසුවද පසුව ඔහු යළිත් රාජපක්ෂලාගේ සෙවණට පැමිණ නාමල් රාජපක්ෂ මහතාට සහය දක්වන බව පසුගියදා ප්‍රකාශ කර සිටියා.
