27 C
Colombo
Saturday, November 26, 2022

මන්නාරම් ද්‍රෝණියේ තෙල් ගවේශන ප්‍රවර්ධනයට දුන් කෝටි 4 ක් වතුරේ – ජාතික විගණන කාර්යාලය

- Advertisement -

මන්නාරම් ද්‍රෝණියේ M2 බිම් කොටසේ ගවේෂණ කටයුතු හා ස්වාභාවික වායු වාණිජමය වශයෙන් නිපදවීම සඳහා අලෙවි ප්‍රවර්ධන වැඩසටහනක් ක්‍රියාත්මක කිරීමට රුපියල් මිලියන 46.61ක් වැයකර තිබුණ ද එම අලෙවි ප්‍රවර්ධන කටයුතු අසාර්ථක වී ඇති බව ජාතික විගණන කාර්යාලය මගින් 2019 වර්ෂයට අදාළව නිකුත් කර ඇති වාර්ෂික වාර්තාවේ සඳහන් වනවා.

මෙම අලෙවි ප්‍රවර්ධන වැඩසටහන සඳහා 2016 වර්ෂයේ දී ජාත්‍යන්තර තරඟකාරී ලංසු කැඳවීම මගින් IHS ග්ලෝබල් සමාගම තෝරා ගෙන තිබුණා.

ඒ සඳහා 2016 වර්ෂයේ දෙසැම්බර් මස සිට 2018 වර්ෂයේ අගෝස්තු මස දක්වා අලෙවිකරණ ව්‍යාපාරයක් ක්‍රියාත්මක කිරීම සඳහා ඇමරිකානු ඩොලර් 300,000ක් හෙවත් රුපියල් මිලියන 46.61ක් වැය කර තිබුණ බව ද විගණන වාර්තාවේ සඳහන් වනවා.

කෙසේ වෙතත් එවන් විශාල මුදලක් වැයකලද එම අලෙවි ප්‍රවර්ධන කටයුතු අසාර්ථක වී ඇති බව විගණන වාර්තාවෙන් පෙන්වා දෙනවා.

මන්නාරම් ද්‍රෝණියේ ‘M2’ ගවේෂණ බිම් කොටසේ ඛනිජ තෙල් ගවේෂණ කටයුතු සඳහා 2007 වර්ෂයේ දී ජාත්‍යන්තර ලංසු කැඳවීම් වටයකින් පසු කෙයාර්න් ලංකා පුද්ගලික සමාගම තෝරාගෙන තිබූ අතර ඒ අනුව 2011 වර්ෂයේ දී සිදුකරනු ලැබූ කැණීම්වලින් ස්වාභාවික වායු නිධි දෙකක් සොයාගෙන ඇති බව ද විගණන වාර්තාවේ සදහන් වනවා.

කෙසේ වුවද මෙම සමාගම විසින් මන්නාරම් ද්‍රෝණියේ ගවේෂණ කටයුතු අතරමඟ නවතා 2015 වර්ෂයේ ඔක්තෝබර් මස 15 වැනිදා ගිවිසුම අවසන් කර තිබුණා.

එතැන් සිට වසර 04ක කාලයක් මන්නාරම් ද්‍රෝණියේ ගවේෂණ කටයුතු කිසිදු ප්‍රගතියක් ලබාගෙන නොතිබූ අතර එය අතරමග නවතා දමා තිබූ බව විගණන වාර්තාවේ දැක්වෙනවා.

මෙම ආයෝජකයින් විසින් ගවේෂණ කටයුතු අතරමග නවතා දැමීම හේතුවෙන් නැවත නැවත ලංසු කැඳවීමේ වට ක්‍රියාත්මක කිරීමට සිදුවීම හේතුවෙන් අධික වශයෙන් අලෙවි ප්‍රවර්ධන වියදමක් දැරීමට සිදුවී තිබූ බව විගණන වාර්තාවෙන් පෙන්වා දෙනවා.

RECENT ARTICLES - SINHALA

මෙරටට කැරට් 22ට වැඩි රන් පැළඳ පැමිණීම තහනම් කරයි

0
කැරට් 22ට වැඩි රන් භාණ්ඩ පැළඳ ගුවන් මඟීන්ට මෙරටට පැමිණීම අත්හිටුවන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසනවා.

ඩීසල් රැගත් නෞකාව දිවයිනට

0
චීනය විසින් ශ්‍රී ලංකාවට පරිත්‍යාග කරන ලද ඩීසල් ලීටර් මිලියන 10.6ක් රැගත් Super Eastern නෞකාව අද (26) කොළඹ වරායට පැමිණ තිබෙනවා.

බලය බෙදීම ගැන දෙමළ සන්ධානයෙන් ජනපතිට යෝජනා තුනක්

0
ජනාධිපතිවරයා සමඟ බලය බෙදීම සම්බන්ධව සාකච්ඡා කිරීමේ දී දෙමළ ජාතික සන්ධානය ඇතුළු ද්‍රවිඩ පක්ෂ යෝජනා 3ක් ඉදිරිපත් කිරීමට තීරණය කර තිබෙනවා.

RECENT ARTICLES - ENGLISH

COPE informs Fisheries Corporation to pay outstanding EPF/ETF payments

0
The Committee on Public Enterprises (COPE) has informed Fisheries Corporation to propose expeditious action on Rs.600 million outstanding EPF & ETF payments...

Dan Priyasath launched a ‘war’ against female teachers’ attire

0
A person named Dan Priyasath led a group of males to hold a protest in front of the Ceylon Teachers' Union office...

Keeping 5g of Ice: Death sentence to anyone, including school children

0
As of yesterday, the Supreme Court has the power to award the death penalty to anyone, including school children for possession of...