ළමා අපයෝජන සම්බන්ධයෙන් පැමිණිලි 4,000කට ආසන්න සංඛ්‍යාවක් මේ වසරේ ගතවූ මාස 6 තුලදී ලැබී ඇති බව ජාතික ළමා ආරක්ෂක අධිකාරිය පවසයි.
පසුගිය මාස 6 තුළ දුරකතන පණිවිඩ 48,000කින් පමණ තොරතුරු ලැබී ඇති බවත් පසුගිය වර්ෂයේ ලැබී තිබූ ළමා අපයෝජන පැමිණිලි ගණන 8,165ක් බවත් එහි සභාපති මහාචාර්ය මුදිත විදානපතිරණ මහතා පවසයි.
‘ළමයා සහ නීතිය’ ලෙස 6 සිට 13 ශේ‍ර්ණිය දක්වා පාසල් සිසුන්ට දැනුම ලබා දීම සඳහා අතිරේක පොත් 3ක් මේ වනවිට සකස් කරමින් පවතින අතර කිසියම් දරුවෙකුගේ හැසිරීමේ වෙනස්වීමක් නිරීක්ෂණය වුවහොත් ළඟ ම ඇති පොලිසියට හෝ 1929ට දැනුම් දෙන ලෙස ජාතික ළමා ආරක්ෂක අධිකාරිය සඳහන් කරයි.
