ඉන්දියාවේ බිහාර් ප්‍රාන්තයේ ‘Jivitputrika’ නම් හින්දු ආගමික උත්සවයක් අතරතුරේ ඊට සහභාගී වූ 46 දෙනකු ජීවිතක්ෂයට පත්ව තිබෙනවා.
එම 46 දෙනාගෙන් 37දෙනකු කාන්තාවන් සහ කුඩා දරුවන් බව වාර්තා වනවා.
මෙය ඉන්දියාවේ ප්‍රධාන හින්දු ආගමික උත්සවයක් වන අතර, කුඩා දරුවන්ටත්, ඔවුන්ගේ මවුවරුන්ටත් ආශිර්වාද කිරීම මෙයින් සිදුවෙනවා.
දිස්ත්‍රික්ක රැසකින් හින්දු බැතිමත්හු මෙම ආගමික උත්සවයට සහභාගී වී තිබෙන බව විදෙස් මාධ්‍ය වාර්තා කරනවා.
ඉන්දීය මාධ්‍ය වාර්තා කළේ, දියේ ගිලී මියගිය පිරිස අතර දිස්ත්‍රික්ක 15 කින් ආ බැතිමතුන් සිටින බවයි.
විදෙස් මාධ්‍ය වාර්තා කළේ, පසුගිය කාලයේ නොකඩවා ඇද හැලුණු මහ වැසි හේතුවෙන් ගංගා සියල්ල පිටාර ගලන මට්ටමට පත්ව ඇති බවත් ප්‍රචණ්ඩකාරී ස්වරූපයක් ගෙන තිබූ බවයි.
ඒ ගැන නොසලකා දියට බැස පුජාවට එක් වීමට උත්සාහ කළ බැතිමතුන් මෙසේ දියේ ගිලී මියගිය බව වාර්තා වනවා.
