ත්‍රිරෝද රථ සොරකම් කළ සැකකරුවන් 05 දෙනෙකු කොළඹ මධ්‍යම කොට්ඨාස අපරාධ විමර්ශන කාර්යංශය විසින් අත්අඩංගුවට ගෙන තිබෙනවා.
එලෙස අත්අඩංගුවට ගත් සැකකරුවන් අවුරුදු 31, 38, 51 හා 54 වයස්වල පසුවන සීදූව, ඔරුගොඩවත්ත, කොළඹ 10 හා කොළඹ 14 යන ප්‍රදේශවල පදිංචිකරුවන් බව පොලීසිය පවසනවා.
පසුගිය 27 වැනිදා ග්‍රෑන්ඩ්පාස් පොලිස් වසම් ස්ටේස් පාර ප්‍රදේශයේදී කොළඹ මධ්‍යම කොට්ඨාස අපරාධ විමර්ශන කාර්යංශයේ නිලධාරීන්ට ලද තොරතුරු මත වැටලීමක් සිදුකර තිබුණා.
එහිදී අයිස් මත්ද්‍රව්‍ය සමග සැකකරුවෙකු අත්අඩංගුවට තිබෙනවා.
අදාළ සැකකරුගෙන් සිදුකරන ලද ප්‍රශ්න කිරීමේදී එම සැකකරු විසින් සොරාගන්නා ලද ත්‍රිරෝද රථ 09ක් සොයාගෙන තිබෙනවා.
සොරාගත් ත්‍රිරෝද රථ ළඟ තබාගෙන සිටි සැකකරුවන් සිව්දෙනෙකු ඊයේ (28) සීදූව, මාලිගාවත්ත, ග්‍රෑන්ඩ්පාස් හා වැල්ලම්පිටිය යන පොලිස් වසම්වලදී අත්අඩංගුවට ගෙන කොටුව පොලිස් ස්ථානයට ඉදිරිපත් කර තිබෙනවා.
එම ත්‍රිරෝද රථ කොටුව, කිරිබත්ගොඩ, වත්තල හා බොරැල්ල පොලිස් වසම්වලදී සොරාගෙන ඇති බවට සිදුකරන ලද විමර්ශනයේදී අනාවරණය වී තිබෙනවා.
සිද්ධිය සම්බන්ධයෙන් කොටුව පොලීසිය වැඩිදුර විමර්ශන සිදුකරනු ලබනවා. .
