ඩොලර් හිඟය හේතුවෙන් කොළඹ වරායේ සිරවී තිබෙන අත්යවශ්ය ආහාර ද්රව්ය කන්ටේනර් නිදහස් කරගැනීම සඳහා වශයෙන් ඩොලර් මිලියන 50 ක් රාජ්ය බැංකු දෙකකට නිකුත් කර ඇති බව මහ බැංකුව පවසනවා.
මහ බැංකුවේ අධිපති අජිත් නිවාඩ් කබ්රාල් මහතා පවසන්නේ අත්යවශ්ය භාණ්ඩ කන්ටේනර් නිදහස් කර ගැනීම සඳහා තවත් ඩොලර් අවශ්ය වේ නම් ඒ සඳහාද මහ බැංකුව සුදානම් බවයි.
කිරි පිටි, ගෘහස්ථ ගෑස්, තිරිඟු පිටි හෝ සිමෙන්තිවල මිල ගණන් ඉහළ දැමීම සම්බන්ධයෙන් අදාළ ආනයනික ආයතන කර තිබු ඉල්ලීමට පාරිභෝගික සේවා අධිකාරිය අවසර දී තිබුණද, ජීවන වියදම් කමිටුව එම යෝජනාව පෙරේදා (27) කැබිනට් මණ්ඩලයට ඉදිරිපත් කළ අවස්ථාවේ ඊට අනුමැතිය හිමිවුයේ නැහැ.
ඒ අනුව කැබිනට් මණ්ඩලය තීරණය කර තිබුණේ කොළඹ වරායේ සිරවී ඇති ආනයනය කළ අත්යවශ්ය ආහාර ද්රව්ය මුදාහැරීම සඳහා මහ බැංකුවෙන් අවශ්ය මුදල් ලබාදීමටයි.