ශ්රී ලංකාවේ ජනතාවගෙන් අවස්ථාවක් ලැබුණහොත් සියයට 56.8ක් මෙරටින් පිටත්ව වෙනත් රටක ජීවත්වීමට කැමැත්තෙන් සිටින බව සමීක්ෂණයකදී අනාවරණය වී තිබෙනවා.
විකල්ප ප්රතිපත්ති කේන්ද්රය විසින් කළ නවතම සමීක්ෂණයකදී මේ බව හෙළි වී ඇති බවයි වාර්තා වන්නේ.
එම සමීක්ෂණයෙන් සියයට 41.5ක් ලංකාවෙන් පිටත්වීමට කැමැත්තක් ප්රකාශ කර නොමැති බව සඳහන් කර තිබෙනවා.
මෙහි කැපිපෙන කරුණ වන්නේ වයස අවුරුදු 18 – 29 අතර පසුවන අයගෙන් සියයට 77.2ක් ශ්රී ලංකාවෙන් පිටත්ව වෙනත් රටක ජීවත්වීමට කැමැත්ත ප්රකාශ කර තිබීමයි.
අවුරුදු 30ට වැඩි පුද්ගල පිරිසක් සියයට 45.4ක් පමණ රටින් පිටවීමට කැමැත්තක් දක්වා ඇති අතර සියයට 52.5ක් රටින් පිටත්ව නොයන බව එම සමීක්ෂණයෙන් අනාවරණය වී ඇති බවයි වාර්තා වන්නේ.