ගිනිගත්හේන නගරයේ ගිනිගත්හේන පොලීසිය ඉදිරිපිට අනාරක්ෂිතව ඉදිකර තිබූ වෙළෙඳ සැළක ආහාර ලබා ගැනීමට ගිය සිසුන් 6 දෙනෙකු එහි තිබූ ලී පොලව කඩා වැටී අනතුරට පත්ව තිබෙනවා.
මෙලෙස අනතුරට පත්ව ඇත්තේ එම ප්‍රදේශයේ 10 වැනි ශ්‍රේණියේ විදුහලක ඉගෙනුම ලබන සිසුන් පිරිසක්.
ඔවුන් එම නගරයේ බාහිර පන්තියකකට සහභාගී වීම සඳහා පැමිණ ආහාර ලබා ගැනීමට මෙම ආපනශාලාව වෙත පැමිණ සිටියදී මෙම අනතුරට මුහුණ දී තිබෙනවා.
ඔවුන් එම හෝටලේ බිම්මහල තුළ රැඳී සිටියදී එහි ලී පොළොව කඩා වැටී අඩි 15ක පමණ බෑවුමකට මෙම සිසුන් පිරිස පෙරළී ගොස් තිබෙනවා.
අනතුරින් පසු ප්‍රදේශාවාසීන් අදාළ සිසුන් පිරිස රෝහල්ගත කිරීමට පියවර ගෙන ඇති අතර මේ වන විට හෝටලය වසා දැමීමට පියවර ගෙන තිබුණා.
සිද්ධිය සම්බන්ධය ගිනිගත්හේන පොලීසිය වැඩිදුර විමර්ශන සිදුකරනු ලබන අතර සිසුන්ගේ තත්ත්වය බරපතළ නොවන බවද රෝහල් ආරංචි මාර්ග පවසනවා.
