27 C
Colombo
Wednesday, May 18, 2022

රාජ්‍ය බැංකුවකට මිලියන 68ක් වංචා කරලා

- Advertisement -

ව්‍යාජ ලේඛන සකස් කර, ව්‍යාජ තොරතුරු ඉදිරිපත් කරමින් පුද්ගයින් 47 දෙනෙකු 2017 වර්ෂයේදී රාජ්‍ය උකස් හා ආයෝජන බැංකුවෙන් රුපියල් මිලියන 68ක ණය ලබා ගෙන ඇති බව කෝප් කමිටුවේ අවධානයට ලක් විය.

මෙහිදී ණය කරුවන් ලෙස හඳුනාගත් පුද්ගලයින්ට නඩු පවරා ඇති බවත් ඒ සම්බන්ධයෙන් තවමත් අපරාධ පරීක්ෂණ දෙපාර්තමේන්තුවේ විමර්ශන ක්‍රියාත්මක වන බවත් පැමිණ සිටි නිලධාරීහු පවසන ලදි.

විශේෂයෙන්, මීට අදාළ කාර්ය මණ්ඩල සේවකයින් සම්බන්ධයෙන් විනය පරීක්ෂණ ක්‍රියාත්ම කොට ඇති බවත් පරීක්ෂණ අවසන් වී ඇති පුද්ගලයින් සම්බන්ධයෙන් මේ වන විටත් විනය ක්‍රියාමාර්ග ගෙන ඇති බවත් ඔවුහු වැඩි දුරටත් පෙන්වා දෙන ලදි.

එසේම මීට සම්බන්ධ බාහිර පුද්ගලයන් දෙදෙනෙකු අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ඇති බවත් ඉන් එක් අයෙක් මියගොස් ඇති බවත් පැමිණ සිටි නිලධාරීන් සඳහන් කරන ලද අතර විශේෂයෙන්ම නව සභාපතිවරයා ඇතුළු අධ්‍යක්ෂ මණ්ඩලය පත්වීමෙන් පසු මෙම ණය ලබාගැනීම සම්බන්ධව ඉක්මන් ක්‍රියාමාර්ග ගැනීම සිදු කොට ඇති බවත් මෙහිදී සඳහන් විය. ඒ අනුව නියමාකාරව මෙම කටයුතු කරගෙන යන ලෙස කෝප් කමිටු සභාපතිවරයා පැමිණ සිටි නිලධාරීන්ට උපදෙස් ලබා දුන්නේය.

මේ පිළිබඳව සාකච්ඡා කෙරුණේ රාජ්‍ය උකස් හා ආයෝජන බැංකුවේ 2017 සහ 2018 මූල්‍ය වර්ෂ වලට අදාළ විගණකාධිපති වාර්තා සහ වර්තමාන කාර්යසාධනය පරීක්ෂා කිරීමට පොදු ව්‍යාපාර පිළිබඳ කාරක සභාව පාර්ලිමේන්තු මන්ත්‍රී මහාචාර්ය චරිත හේරත් මහතාගේ ප්‍රධානත්වයෙන් ඊයේ (23) පාර්ලිමේන්තුවේදී රැස් වූ අවස්ථාවේදී ය.

එසේම මෙම වර්ෂ වලදී නිවාස ණය වැඩි වශයෙන් ලබාදීම පිළිබඳව ද අවධානයට ලක් වූ අතර පැමිණ සිටි කාරක සභා සාමාජික මන්ත්‍රිවරු සඳහන් කළේ කර්මාන්ත වෙනුවෙන් සහ කෘෂිකර්මය වෙනුවෙන් ලබා දෙන ණය ප්‍රමාණය වැඩි කළ යුතු බවයි. විශේෂයෙන් රාජ්‍ය උකස් හා ආයෝජන බැංකුවේ අවශ්‍යතාවයද එය විය යුතු බව ද ඔවුහු පෙන්වා දුන්හ. මේ පිළිබඳ අවධානය යොමුකොට කුඩා ව්‍යාපාර සම්බන්ධයෙන් මේ වන විටත් ණය ලබා දෙන බව මෙහිදී පැමිණ සිටි නිලධාරීහු පැවසූහ.

වර්තමානයේ මෙම බැංකුවේ පවතින පුරප්පාඩු සංඛ්‍යා පිළිබඳව ද මෙහිදී සාකච්ඡා වූ අතර විධායක ශ්‍රේණියේ පුරප්පාඩු කිහිපයක් පිරවීමට මේ වන විටත් කටයුතු කොට ඇති බවත් ඇතැම් විධායක ශ්‍රේණියේ පුරප්පාඩු සඳහා සුදුසු පුද්ගලයින් අයදුම් නොකරන බවත්, ඇතැම් පුද්ගලයින් පත්වීම් ලැබී ටික කලකින් ඉවත්ව යන බවත් මෙහිදී නිලධාරීන් සඳහන් කළේය. එම තනතුරු සඳහා වැටුප් ප්‍රමාණවත් නොවේ නම් අවශ්‍ය සංශෝධන සිදුකර එම පුරප්පාඩු පිරවීමට කටයුතු කරන ලෙස මෙහිදී කෝප් කමිටුවේ සභාපතිවරයා උපදෙස් ලබාදුන්නේ ය.

එසේම රාජ්‍ය උකස් හා ආයෝජන බැංකුව වසර 30 පමණ සිට කුලී පදනම මත ලබාගත් ගොඩනැගිල්ලක පැවතීම පිළිබඳව ද මෙහිදී සාකච්ඡා විය.

තවද ස්වයංක්‍රීය බැංකු පද්ධතියක් පිහිටුවීමේ ක්‍රියාකාරකම් පිළිබඳව ද මෙහිදී සාකච්ඡා විය.

මෙම කාරක සභාව සඳහා අමාත්‍ය ආචාර්ය සරත් වීරසේකර, රාජ්‍ය අමාත්‍ය ඉන්දික අනුරුද්ධ, පාර්ලිමේන්තු මන්ත්‍රීවරුන් වන ආචාර්ය සුසිල් ප්‍රේමජයන්ත, එරාන් වික්‍රමරත්න, ආචාර්ය හර්ෂ ද සිල්වා සහ මධුර විතානගේ යන මහත්වරු සහභාගී වූහ.

RECENT ARTICLES - SINHALA

අරගල බිමේ තරුණයෝ ඉල්ලන්නේ මේක නෙවෙයි..!

රටම බලාගෙන සිටින්නේ නියෝජ්‍ය කතානායකවරයා කවුරුන්ද යන්න සම්බන්ධව නොව මේ රටේ ගැටළු වලට පාර්ලිමේන්තුව ලබා දෙන උත්තර කුමක්දැයි යන්න සම්බන්ධව බව සමගි...

අද පෙට්‍රල් පෝලිම්වල ඉන්න එපා..! – Ceypetco

අද (18) දිනයේදී පෙට්‍රල් මිලදී ගැනීම සඳහා ඉන්ධන පිරවුම්හල් අසල පෝලිම්වල නොසිටින ලෙස ලංකා ඛනිජ තෙල් සංස්ථාව ජනතාවට දැනුම් දෙනවා.

අද පාර්ලිමේන්තු කැන්ටිමේ කන්න තිබුණේ බතලයි, රතු අලයි – පොහොට්ටු මන්ත්‍රී

පාර්ලිමේන්තු ආපන ශාලාව තුළ පාර්ලිමේන්තු මන්ත්‍රීවරුන්ගේ ආහාරය සඳහා අද සූදානම් කර තිබුණේ බතල, රතු අල වැනි ආහාර වර්ග බව ශ්‍රී ලංකා පොදුජන...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...