පකිස්තානයේ කරච්චි සහ බලුකිස්තානයේ පාපන්දු තරඟ දෙකක් අතරතුරදී සිදුවූ බෝම්බ ප්‍රහාර සම්බන්ධයෙන් වගකිවයුතු පාර්ශව තවමත් අභිරහසක් බව එරට ආරක්ෂක අංශ පවසයි.
මෙවන් ප්‍රහාරවලින් පසු යම් ත්‍රස්තවාදී සංවිධානයක් එහි වගකීම භාරගත්තද මේ සම්බන්ධයෙන් මෙතෙක් කිසිදු සංවිධානයක් වගකීම භාරගෙන නැති බව එරට ආරක්ෂක අංශ වැඩිදුරටත් ප්‍රකාශ කර තිබේ.
පසුගිය 14 වනදා කරච්ච් සහ බලුකිස්තානයේ අන්තර් සමාජ පාපන්දු තරග දෙකක් පැවැත්වෙමින් තිබියදී බෝම්බ දෙකක් පුපුරා ගිය අතර එහිදී විස්සකට පමණ පිරිසකට තුවාල සිදුවිය.
මෙම බෝම්ම දෙකම කලින් අටවා තිබී දුරස්ථ පාලක උපයෝගී කරගෙන පුපුරැවා හැර තිබූ බව මූලික පරීක්ෂණවලදී හෙළිදරව් වී තිබේ.
