කොවිඩ් 19 වසංගතය හේතුවෙන් විවාහ මංගල උත්සව ලක්ෂ හතක් පමණ කල් දමන්නට සිදුව ඇතැයි දේශීය වෙදකම් ප්රවර්ධන,ග්රාමීය හා ආයුර්වේද රෝහල් සංවර්ධන හා ප්රජා සෞඛ්ය රාජ්ය අමාත්ය නීතිඥ සිසිර ජයකොඩි මහතා පවසනවා.
මෙය රටට කෙටි කාලීනව හෝ දීර්ඝ කාලීනව සිදුවූ විශාල පාඩුවක් බවයි ඔහු පෙන්වා දෙන්නේ. එමෙන්ම රටේ සාමාන්ය කාලයේදි වසරකට දරු උපත් තුන් ලක්ෂ පනස් දහසක් පමණ සිදුවූ බවත් ඔහු සිහිපත් කර සිටිනවා.
කොවිඩ් වසංගතය නිසා මේ දක්වා මෙරටදී 3500ක් පමණ මිය ගොස් ඇති නමුත් එන්නත්කරණය වැඩිවශයෙන් සිදුවන පසුබිමක කොවිඩ් වසංගත තත්වය යම්කිසි මට්ටමක පැවතුණද විවාහ මංගල්ය උත්සව සෞඛ්යය මාර්ගෝපදේශවලට යටත්ව පැවැත්වීමට අවසරදීම සඳහා රජය ගත් තීරණය පැසසුමට ලක් කරන බවත් රාජ්ය ඇමතිවරයා වැඩිදුරටත් පවසනවා.