මෙරටින් වාර්තා වන කොවිඩ් මරණ ප්‍රමාණය දිනෙන් දින වේගයෙන් ඉහළ යමින් පවතිනවා.
ඒ අනුව මැයි මස පළමු දින සිට ඊයේ (07) දින දක්වා වූ සතියක කාලය තුළදී පමණක් කොවිඩ් 19 වෛරසය ආසාදනය වී මියගිය පුද්ගලයින් 86 දෙනෙක් වාර්තා වුණා.
එය පළමු කොවිඩ් රැල්ලට සාපේක්ෂව ඉතාමත් අනතුරුදායක මට්ටමක පවතින බවට සෞඛ්‍ය අංශ සඳහන් කරනවා.
ඊයේ දිනයේ කොවිඩ් මරණ 19 ක් වාර්තා වීමත් සමඟ මේ වන විට මෙරට සමස්ත කොවිඩ් මරණ සංඛ්‍යාව 764 දක්වා තවදුරටත් ඉහළ ගොස් තිබෙනවා.
කෙසේ වෙතත් මේ වන විට වාර්තා වන කොවිඩ් මරණ ඒවා සිදුවී දින ගණනාවකට පසුව වාර්තාවීමද විශේෂත්වයක්.
තවද නිවසේ සිටියදීම කොවිඩ් වැළදී මියයන පුද්ගලයන් සංඛ්‍යාවද ක්‍රමයෙන් වැඩිවෙමින් පවතිනවා.
මෙලෙස මියගිය බොහෝ දෙනාගේ මරණයට හේතුව වන්නේ කොවිඩ් නිව්මෝනියා තත්ත්වයයි.
