25 C
Colombo
Friday, March 29, 2024

බස් රථයක් සොරාගෙන පෙම්වතිය බලන්න ගිය අවුරුදු 15 දරුවෙක් අත්අඩංගුවට

- Advertisement -

පිළියන්දල බස් නැවතුම්පොළේ නවතා තිබූ බස් රථයක් සොරාගෙන තම පෙම්වතිය බැලීමට ගිය 15 හැවිරිදි වියේ පසුවන මත්තෙගොඩ සිද්ධමුල්ල ප්‍රදේශයේ පදිංචි බාලවයස්කාර සැකකරුවෙකු පොලීසිය විසින් අත්අඩංගුවට ගෙන තිබෙනවා.

ඊයේ (11) රාත්‍රියේ පැවති ආසියානු කුසලාන අවසන් ක්‍රිකට් තරගය නැරඹීම සඳහා පිළියන්දල බස් නැවතුම්පොළෙන් ගමන් ආරම්භ කරන බස් රථ කිහිපයක රියදුරන් පිරිසක් පිළියන්දල බස් නැවතුම්පොළ වෙත සිය බස් රථවලින්ම පැමිණ තිබුණා.

එහිදී ඔවුන් පැමිණි බස් රථ බස් නැවතුම්පොළේ පසෙක ගාල් කර ශ්‍රී ලංකා ඉනිම නරඹා ආහාර ගැනීම සඳහා වෙනත් ස්ථානයක් වෙත ගොස් තිබෙනවා.

අනතුරුව සුළු වේලාවකින් පසුව ඔවුන් නැවත බස් රථ ගාල් කර තිබූ ස්ථානයට පැමිණ ඇති අතර එම අවස්ථාවේ එක් බස් රථයක් එහි නොමැති බව දැක තිබෙන බවයි වාර්තා වන්නේ.

පසුව බස් රථ රියදුරන් විසින් වහාම මේ පිළිබඳව පිළියන්දල පොලිස් ස්ථානය වෙත පැමිණිලි කළ බවයි පැවසෙන්නේ.

එහිදී පොලීසිය වහාම ක්‍රියාත්මක වී මේ සම්බන්ධයෙන් පරීක්ෂණ ආරම්භ කර ඇති අතර ඒ වනවිටත් බොහෝ වෙළෙඳසැල් වසා දමා තිබී ඇති බැවින් CCTV දර්ශන පරීක්ෂා කිරීමට නොහැකිව තිබෙනවා.

ඒ අනුව පිළියන්දල පොලිස් ස්ථානාධිපතිවරයාගේ දැනුම්දීමට අනුව හදිසි මාර්ග බාධක කිහිපයක් යෙදවීමට පියවර ගෙන තිබුණා.

පසුව අද (12) අලුයම 12.30ට පමණ කැස්බෑව පිළියන්දල අතුරු මාර්ගයේ මාර්ග බාධකයේ රාජකාරියේ නිරතව සිටි පොලිස් නිළධාරීන්ට බස් රථයක් පිළිබඳව සැක සිතී එය නවත්වන ලෙසට අණකර එය පරික්ෂා කිරීමේදී මෙය පැහැරගෙන ගොස් ඇති බස් රථය බවට පොලීසිය තහවුරු කරගෙන තිබෙනවා.

කඩිනමින් ක්‍රියාත්මක වූ පොලිස් නිලධාරීන් බස් රථය නවතා ඉන් පැන දිව යාමට උත්සාහ කළ බාලවයස්කාර සැකකරු ලුහුබැඳගොස් අත්අඩංගුවට ගැනීමට සමත් වුණා.

පසුව ඔහුගෙන් සිදුකළ ප්‍රශ්න කිරීම්වළදී අනාවරණය වී ඇත්තේ ඔහු සිය පෙම්වතිය බැලීමට ගොස් නැවත පැමිණෙමින් සිටියදී මෙලෙස පොලීසියට හසුවූ බවයි.

මොරගහහේන ප්‍රදේශයේ පදිංචි තම පෙම්වතිය ඊයේ රාත්‍රී 8ට පමණ දුරකථන ඇමතුමක් ලබාදී ඇයව මුණගැසීමට පැමිණෙන ලෙසට තමන්ට කියූ බව එහිදී ඔහු පොලීසියට පාපොච්චාරණය කර තිබෙනවා.

ඒ අනුව ඇය මුණගැසීමට බස් රථයකින් ගමන් කිරීමට බස් නැවතුම්පොළට පැමිණියද ඒ මොහොතේ බස් රථ නොතිබූ නිසා බස් රථ කිහිපයකට නැග පරීක්ෂා කර බැලූ බව අදාළ බාලවයස්කාර සැකකරු පැවසූ බව පොලීසිය සදහන් කරනවා.

එම අවස්ථාවේදී එක් බස් රථයක යතුරක් තිබූ බවත් තමන් විසින් එය පණගන්වා මොරගහහේන ප්‍රදේශයේ සිටින පෙම්වතිය මුණගැසීමට ගිය බවද ඔහු පවසා තිබෙනවා.

වැඩිදුර විමර්ශනවළදී අනාවරණය වී ඇත්තේ සැකකරු මීට පෙර අවස්ථාවකදීද පෙම්වතිය බැලීම සඳහා මේ අයුරින්ම බස් රථයක් පැහැරගෙන ගොස් ඇති බවයි.

එහිදී සැකකරු හෝමාගම ප්‍රදේශයේදී බස් රථයක් පැහැරගෙන මේ ආකාරයෙන්ම සිය පෙම්වතිය බැලීමට ගොස් නැවත පැමිණෙමින් සිටියදී පොලිස් අත්අඩංගුවට පත්ව තිබෙනවා.

සිද්ධිය සම්බන්ධයෙන් පිළියන්දල පොලීසිය වැඩිදුර විමර්ශන සිදුකරන අතර අදාළ බාලවයස්කාර සැකකරු කැස්බෑව මහෙස්ත්‍රාත් අධිකරණය වෙත ඉදිරිපත් කිරීමට නියමිතයි.

RECENT ARTICLES - SINHALA

අද අපි සිංහල අවුරුද්ද සමරන්නේ ජනපති නිසා – වජිර

පසුගිය වසර තුනක කාලයක් අලුත් අවුරුද්ද සැමරීමට ජනතාවට අවස්ථාව හිමි නොවු බව පාර්ලිමේන්තු මන්ත්‍රී වජිර අබේවර්ධන මහතා පවසනවා. නමුත් රටේ සියලු ජනතාවට මෙවර අලුත් අවුරුද්ද...

මහරගම බෝ ගසේ අත්තක් කඩා වැටී දෙදෙනෙකුට තුවාල

මහරගම නගරයේ පිහිටි බෝ ගසක අත්තක් කඩා වැටී තිබෙනවා. මෙයින් පුද්ගලයින් දෙදෙනෙකු තුවාල ලබා තිබෙන බව පොලිසිය පවසනවා. මේ හේතුවෙන් හයිලෙවල් මාර්ගයේ දැඩි රථවාහන තදබදයක් පවතින...

බාෂික් ව අත්අඩංගුවට ගැනීමට එරෙහි අතුරු තහනම් නියෝගය දීර්ඝ කෙරේ

පොලිස් මත්ද්‍රව්‍යනාශක කාර්යාංශය විසින් නදිම් බාෂික් නමැත්තකු අත්අඩංගුවට ගැනීම වළක්වාලමින් නිකුත්කර තිබෙන අතුරු තහනම් නියෝගය අප්‍රේල් 29 වනදා දක්වා තවදුරටත් දීර්ඝ කරන ලෙස අභියාචනාධිකරණය...

POPULAR ARTICLES

කංචන පොහොට්ටු රැස්විමේ යකා නටලා

ශ්‍රී ලංකා පොදු ජන පෙරමුණේ විධායක සභා රැස්වීමේදී අමාත්‍ය කංචන විජේසේකර මහතා සහ හිටපු ජනාධිපති ගෝඨාභය රාජපක්ෂ මහතාගේ උපදේශකයෙකු වූ එරන්ද ගිනිගේ මහතා අතර...

අද ඩොලරය

ශ්‍රී ලංකා මහ බැංකුව විසින් අද (26) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 297.63ක් ලෙස...

කෙහෙළියට අධිකරණය දුන් නියෝගය

ව්‍යාජ එන්නත් සිද්ධියට අත්අඩංගුවට ගෙන රක්ෂිත බන්ධනාගාර ගත කර සිටින හිටපු අමාත්‍ය කෙහෙළිය රඹුක්වැල්ල මහතා ඇතුළු සැකකරුවන් 9 දෙනා අප්‍රේල් මස 08 වනදා දක්වා...