දෙස් විදෙස් සංචාරකයන්ගේ ආකර්ෂණය දිනා ගත හැකි ආකාරයේ කිලෝමීටර් 300 කින් යුත් විශේෂ ඇවිදින මං තීරුවක් ගලහා සිට නුවරඑළිය දක්වා ඉදිකිරීමට බලාපොරොත්තු වන බව සංචාරක සහ ඉඩම් අමාත්යාංශයේ ලේකම් චූලානන්ද පෙරේරා මහතා පවසනවා.
පේරාදෙණිය උද්භිත උද්යානයට වසර දෙසීයක් පිරීම නිමිත්තෙන් ඊයේ (12) එම උද්යාන ශ්රවණාගාරයේ දී පැවති උත්සවයකට සහභාගී වෙමින් ඔහු සදහන් කළේ මේවන විටත් එහි සැලසුම් කටයුතු ක්රියාත්මක වෙමින් පවතින බවයි.
ගලහා ප්රදේශයෙන් ආරම්භ වන මෙම ඇවිදින මංතීරුව තලවාකැලේ, හපුතලේ, ලිඳුල, බණ්ඩාරවෙල, දෙමෝදර දක්වා ඉදිකිරීමට බලාපොරොත්තු වන බව චූලානන්ද පෙරේරා මහතා ප්රකාශ කළා.
කිලෝමීටර් 300ක් පුරා දිවෙන මෙම ආකර්ෂණීය ඇවිදින මංතීරුවේ ඇවිදින සංචාරකයන් හට ලොව කිසිම රටක දැකිය නොහැකි ආකාරයේ ආකර්ෂණීය දර්ශන තල දැක පුදුමයට පත්විය හැකි බවයි ඔහු පෙන්වා දෙන්නේ.
මෙම මංතීරුව ඔස්සේ දිනකට සංචාරකයකුට ගමන් කළ හැකි වන්නේ කිලෝමීටර් 13 ක් වැනි ප්රමාණයක් බවත් එම ගමනාන්තයේ දී තේ වත්තක් මැද පිහිටිතේ වතු අධිකාරිවරයකු ගේ නිවසක නවාතැන් පහසුකම්සැපයීමට බලාපොරොත්තු වන බවත් චූලානන්ද පෙරේරා මහතා පවසනවා.
එහිදී එම සංචාරකයන්ට එම ප්රදේශයේ පවතින සංස්කෘතිය ආහාර පාන ලබාදීමට බලාපොරොත්තු වන බවද ඔහු වැඩිදුරටත් සදහන් කළා.