අමෙරිකානු ඩොලර් බිලියන 4ක පමණ සමස්ථ ආධාරයක් සඳහා ශ්රී ලංකාව චීනය සමග සාකච්ඡා කරමින් සිටින බව විදෙස් මාධ්ය වාර්තා කර සිටිනවා.
ඒ අනුව කඩිනමින් චීනය ඒ සඳහා එකඟවෙනු ඇතැයි විශ්වාස කරන බව චීනයේ ශ්රී ලංකා තානාපති පාලිත කොහොන පවසා ඇතැයි ද එම වාර්තා සඳහන් කරනවා.
ඒ යටතේ චීනයෙන් සිදුකරන ආනයන සඳහා ගෙවීමට අමෙරිකානු ඩොලර් බිලියන 1.5ක මූල්ය පහසුකමක් සක්රීය කර ගැනීමට ද ශ්රී ලංකාව චීනය සමග සාකච්ඡා සිදුකරමින් ඇති අතර මීට පෙර චීනය ලබාදී තිබෙන, ශ්රී ලංකා මහ බැංකුව සතුව පවතින අමෙරිකානු ඩොලර් බිලියන 1.5ක සංචිතය ද ශ්රී ලංකාවේ ගෙවීම් සඳහා සක්රීය කරගැනීමද ඒ යටතට අයත්.
ඒ සඳහා ද චීනය කඩිනමින් එකඟතාවය පළකරනු ඇතැයි ශ්රී ලංකා රජය බලාපොරොත්තු වනවා.