මාරවිල, මුහුදුකට්ටුව ප්රදේශයේ දී මුහුදට ගිය බෝට්ටුවක් පෙරළී යාමෙන් ජපන් ජාතිකයෙකු ඇතුළු සිව්දෙනෙකු අතුරුදන් වී ඇති බව පොලිසිය පවසනවා.
අතුරුදන් වී ඇති බව කියන බෝට්ටුවේ හිමිකාරිනිය වන මාරවිල – උතුරු මූදුකටුවේ පදිංචි ශ්රියානි ජීවනී ප්රනාන්දු යන අය විසින් ඒ බව අද (19) අලුයම 03.30ට පමණ මාරවිල පොලීසියට දැනුම් දී තිබෙනවා.
මාරවිල – කුරුස පල්ලිය ආසන්නයෙන් ඊයේ (18) සවස බිලී කොකු දමා මසුන් මැරීමට කුඩා ඩිංගි බෝට්ටුවකින් ජපන් ජාතිකයෙකු ඇතුළු 05 දෙනෙකු මුහුදට ගොස් තිබෙනවා.
ධිවර කටයුතුවල යෙදී සිටින අතරතුර ඇති වූ වැසි සහිත කාලගුණය සමඟ බෝට්ටුව මුහුදේ පෙරළී ගොස් ඇති බවයි වාර්තා වන්නේ.
අතුරුදන් වූ පිරිස සොයා නාවික හමුදාවේ සහාය ඇති ව මෙහෙයුමක් දියත් කිරීමට කටයුතු කර ඇති බව මාරවිල පොලීසිය පවසනවා.
