විදේශ රැකියා ප්‍රවර්ධන හා වෙළෙඳපළ විවිධාංගිකරණ රාජ්‍ය අමාත්‍ය ප්‍රියංකර ජයරත්න මහතා හට අග්‍රාමාත්‍යවරයා විසින් නව තනතුරක් ලබාදී තිබෙනවා.
ඒ අනුව පුත්තලම ආණමඩුව මැතිවරණ කොට්ඨාශයේ ආණමඩුව නවගත්තේගම, පල්ලම සහ කරුවලගස්වැව ප්‍රාදේශීය සංවර්ධන කමිටු සභාපති ධූරය ප්‍රියංකර ජයරත්න මහතාට ලබාදී ඇතැයි අග්‍රාමාත්‍ය මාධ්‍ය අංශය නිවේදනය කරනවා.
ඊට අදාළ පත්වීමේ ලිපිය පෙරේදා (11) අරලියගහ මන්දිරයේදී ජයරත්න මහතාට ලබාදී තිබෙනවා.
ප්‍රියංකර ජයරත්න මහතා මීට දින කිහිපයකට පෙර සිය රාජ්‍ය අමාත්‍යංශයෙන් ඉල්ලා අස්වී ඊට අදාළ ලිපිය ජනාධිපති ගෝඨාභය රාජපක්ෂ මහතාට යොමුකර තිබුණා.
කෙසේවෙතත් ජනාධිපතිවරයා එම ඉල්ලා අස්වීමේ ලිපිය භාරගැනීම ප්‍රතික්ෂේප කළා.
ප්‍රියංකර ජයරත්න මහතා පසුගිය කාලය පුරාවටම ආණ්ඩුවේ ක්‍රියාකලාපය පිළිබදව කළකිරීමෙන් සිටින බවට අවස්ථා කිහිපයකදීම ප්‍රකාශ කර සිටියා.
එවන් පසුබිමක නව තනතුරක් ලබාදී ජයරත්න මහතාව ආණ්ඩුව තුළම තබාගැනීම විශේෂත්වයක්.
