හැංඟිමුත්තන් සෙල්ලම් කළ පිරිමි දරුවෙක් දින 6කට පසු වෙනත් රටකින් හමුවු සිද්ධියක් සම්බන්ධයෙන් බංග්ලාදේශයෙන් වාර්තා වනවා.
15 හැවිරිදි පිරිමි ළමයෙකු මෙසේ හැංඟිමුත්තන් ක්‍රීඩාවක් අතරතුර බංග්ලාදේශයේ නැව් කන්ටේනරයක් තුළ සැඟවී තිබෙනවා.
පසුව කන්ටේනරය අඟුළු දමා මැලේසියාව බලා යාත්‍රා කොට ඇති බවයි වාර්තා වන්නේ.
මෙම දරුවා ජනවාරි 11 වන දින චිතගොං වරාය නගරයේ මිතුරන් සමඟ සෙල්ලම් කරමින් සිටියදී මෙලෙස කන්ටේනරයක සැඟව ඇති බවයි ඉන්දියා ටයිම්ස් පුවත්පත වාර්තාවක සඳහන් වන්නේ.
පසුව කන්ටේනරය මැලේසියාව බලා යන වාණිජ නෞකාවකට පටවා ඇති අතර එහිදී දින 6කට පසු ජනවාරි 17 වැනි දින පිරිමි ළමයා මැලේසියාවේ බටහිර වරායේ දී එරට බලධාරීන් විසින් සොයාගෙන තිබෙනවා.
