උණවටුන මුහුදු තීරයට මෝටර් රථයකින් පැමිණ සිටි පුද්ගලයෙකුගේ රියැදුරු බලපත්රය භාරයට ගෙන මුදල් ඉල්ලීම සහ අවන්හලකින් බියර් කෑන් අටක් කොල්ල කෑ බව කියන අපරාධ පරීක්ෂණ දෙපාර්තමේන්තුවේ කොස්තාපල්වරයකු ඇතුළු තිදෙනෙකු අත්අඩංගුවට ගත් බව හබරාදුව පොලිසිය පවසනවා.
මෙසේ අත්අඩංගුවට ගෙන ඇත්තේ අපරාධ පරීක්ෂණ දෙපාර්තමේන්තුවේ කොස්තාපල් රියදුරෙකු සහ අවුරුදු 33 සහ 35 වියේ පසුවන හබරාදුව ප්රදේශයේ පදිංචිකරුවන් දෙදෙනෙක්.
මෙම කොස්තාපල්වරයා අසනීප නිවාඩු වාර්තා කර සිටියදී මෙය සිදු කර ඇති අතර සැකකරුවන් මෙම අපරාධය සිදුකිරීමට යොදාගත් මෝටර් රථයද පොලිස් අත්අඩංගුවට ගෙන තිබෙනවා.
අත්අඩංගුවට ගත් සැකකරුවන් තිදෙනා ඇතුළු සිව් දෙනෙකු ඔවුන් පොලිසියේ අපරාධ විමර්ශන අංශයේ නිලධාරීන් බව පවසා ව්යායාම කිරීම සඳහා උණවටුන මුහුදු තීරයට මෝටර් රථයකින් පැමිණ සිටි පුද්ගලයකුගේ රියැදුරු බලපත බලෙන් ලබාගෙන එය ලබාදීම සඳහා මුදල් ඉල්ලා ඇති බව පොලිස් විමර්ශන වලදී අනාවරණය වු බවයි පැවසෙන්නේ.
